ნეთანიაჰუ „ჰუსიტების“ სარაკეტო თავდასხმაზე რეაგირების მიზნით მაღალჩინოსნებთან კონსულტაციებს გამართავს
ტექსტს კითხულობს AI ასისტენტი
ისრაელის პრემიერ-მინისტრი, ბენიამინ ნეთანიაჰუ ქვეყნის თავდაცვის მინისტრთან, ისრაელ კაცთან და თავდაცვის უწყების სხვა მაღალჩინოსნებთან ონლაინ რეჟიმში შეხვედრას გამართავს მას შემდეგ, რაც „ჰუსიტებმა“ ბენ გურიონის აეროპორტზე ბალისტიკური რაკეტით იერიში მიიტანეს, - ინფორმაციას The Times of Israel-ი ავრცელებს.
გამოცემის ცნობით, შეხვედრაზე განიხილება პოტენციური რეაგირების გზები, მათ შორის ისრაელის მხრიდან იემენში „ჰუსიტების“ ობიექტებზე პირდაპირი დარტყმის განხორციელება.
ამასთან, ბენიამინ ნეთანიაჰუ დღეს საღამოს უსაფრთხოების კაბინეტს შეკრებს და ღაზაში სამხედრო კამპანიის გაფართოების, სირიაში მიმდინარე ბრძოლების, ჰუსიტების თავდასხმასა და სხვა საკითხებს განიხილავს.
ავტორი: ექსპრესნიუსი, 
epn.ge (@expressnews.ge)
