უკრაინის აღდგენის საინვესტიციო ფონდი, რომლის შექმნასაც აშშ-სა და უკრაინას შორის გაფორმებული ბუნებრივი რესურსების შესახებ შეთანხმება ითვალისწინებს, აშშ-ში დარეგისტრირდება და მისი ანგარიშის ვალუტა გრივნა იქნება, - ამის შესახებ უკრაინელი დეპუტატის, იაროსლავ ჟელეზნიაკის ინფორმაციით, პრემიერ-მინისტრმა, დენის შმიგალმა უმაღლეს რადაში სიტყვით გამოსვლისას განაცხადა.

„წინასწარი შეთანხმებით, ფონდი დარეგისტრირდება აშშ-ში, მაგრამ ანგარიში იქნება უკრაინაში და შევსება მოხდება გრივნაში“, - ციტირებს ჟელეზნიაკი პრემიერ-მინისტრის სიტყვებს.

კითხვაზე, ნამდვილად იგეგმება თუ არა შეთანხმების რატიფიცირება 8 მაისს, შმიგალმა უპასუხა, რომ იმედოვნებენ, ეს რაც შეიძლება სწრაფად მოხდება.

„ჩვენ ვითხოვთ რატიფიკაციას რაც შეიძლება მალე. მადლიერები ვიქნებით“, - ციტირებს პარლამენტის წევრი შმიგალის სიტყვებს.

რაც შეეხება დანარჩენ ორ დოკუმენტს, რომლებმაც შეთანხმების ტექნიკური დეტალები უნდა განსაზღვრონ, შმიგალმა განაცხადა, რომ ეს არის ინსტიტუციებს შორის შეთანხმებები, რომლებიც პრინციპულად შეთანხმებულია და რატიფიკაციას არ ექვემდებარება.

შეგახსენებთ, ვაშინგტონმა და კიევმა ბუნებრივი რესურსების შესახებ შეთანხმება გააფორმეს. დოკუმენტს ხელი უკრაინის ეკონომიკის მინისტრმა, იულია სვირიდენკომ და აშშ-ის ხაზინის მდივანმა, სკოტ ბესენტმა მოაწერეს. შეთანხმება აშშ-უკრაინის აღდგენის საინვესტიციო ფონდის შექმნას ითვალისწინებს.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი