დონალდ ტრამპს მუდმივი ცეცხლის შეწყვეტა სურს , - ასე გამოეხმაურა თეთრი სახლის პრესსპიკერი, კეროლაინ ლევიტი რუსეთის პრეზიდენტის, ვლადიმერ პუტინის მიერ მეორე მსოფლიო ომში გამარჯვების 80 წლის იუბილესთან დაკავშირებით უკრაინაში ცეცხლის შეწყვეტას.

„პრეზიდენტ ტრამპს მუდმივი ცეცხლის შეწყვეტა სურს. როგორც ვიცი, პუტინმა დღეს დილით დროებითი ცეცხლის შეწყვეტის წინადადება წამოაყენა. პრეზიდენტმა ნათლად განაცხადა, რომ მას მუდმივი ცეცხლის შეწყვეტის ხილვა სურს, პირველ რიგში, მკვლელობების დასასრულებლად, სისხლისღვრის შესაჩერებლად“, - განაცხადა კეროლაინ ლევიტმა.

ამასთან, ვატიკანში, აშშ-ისა და უკრაინის პრეზიდენტების, დონალდ ტრამპისა და ვოლოდიმირ ზელენსკის შეხვედრის შესახებ დასმულ შეკითხვაზე კეროლაინ ლევიტმა უპასუხა, რომ დონალდ ტრამპი „ორივე ქვეყნის ლიდერით [ვოლოდიმირ ზელენსკი და ვლადიმერ პუტინი] იმედგაცრუებულია“.

„მიუხედავად ამისა, ის ოპტიმისტურად განწყობილი რჩება, რომ შეთანხმების მიღწევა შეუძლია, მაგრამ ასევე, რეალისტურადაც არის განწყობილი, რომ ორივე ლიდერი მოლაპარაკებების მაგიდასთან უნდა მივიდეს და ამ სიტუაციიდან გამოსავალი იპოვონ“, - აღნიშნა თეთრი სახლის პრესსპიკერმა.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი