საქართველოს პარლამენტის უკანა შესასვლელთან “ბათუმელებისა“ და „ნეტგაზეთის“ დამფუძნებლის, მზია ამაღლობელის მიმართ სოლიდარობის აქცია მიმდინარეობს.

ადგილზე შეკრებილები არიან მზია ამაღლობელის კოლეგები, რომლებიც “უსამართლოდ დაკავებული ადამიანების გათავისუფლებას” ითხოვენ.

ჟურნალისტებს ადგილზე მოტანილი აქვთ ბანერი წარწერით : “თავისუფლება „ნეტგაზეთისა“ და „ბათუმელების“ ხელმძღვანელს მზია ამაღლობელს”, “თავისუფლება ივანიშვილის რეჟიმის პოლიტპატიმრებს!”.

როგორც სოლიდარობის აქციაზე სცენარისტმა, ქეთი დევდარიანმა განაცხადა, მზია ამაღლობელი უსამართლო დევნის სიმბოლოა.

“ჩვენ ვაპროტესტებთ მზია ამაღლობელის უკანონო პატიმრობაში ყოფნას. ჟურნალისტის უკანონო დაკავება არის ყველაზე ცუდი ნიშანი.

ჩვენი მოთხოვნაა მისი გათავისუფლება. გამოვხატავთ პროტესტს იმ ყველაფრის მიმართ, რაც ქვეყანაში ხდება. მზია ამაღლობელი არის ამ უსამართლო დევნის სიმბოლო”, - განაცხადა დევდარიანმა.

ადგილზე მობილიზებულია პოლიცია, მათ საკანონმდებლო ორგანოს შესასვლელთან ცოცხალი კორდონი აქვთ გაკეთებული.

 „ნეტგაზეთისა“ და „ბათუმელების“ თანადამფუძნებელი და დირექტორი, მზია ამაღლობელი 11 იანვარს ორჯერ დააკავეს. პირველად საპროტესტო შინაარსის პლაკატის გაკვრის გამო, რომელზეც ეწერა “იფიცება საქართველო”, მეორედ – ბათუმის პოლიციის უფროს ირაკლი დგებუაძისთვის სილის გაწვნის გამო პოლიციელზე თავდასხმის ბრალდებით, რაც 4-დან 7 წლამდე პატიმრობას ითვალისწინებს. ინციდენტს წინ უძღოდა დაპირისპირება და ჭყლეტა მონაწილეებსა და პოლიციას შორის, რაც პოლიციის მხრიდან პროვოკაციული ქმედებებს მოჰყვა.

14 იანვარს ბათუმის საქალაქო სასამართლომ მზია ამაღლობელს აღკვეთის ღონისძიების სახით პატიმრობა შეუფარდა. გადაწყვეტილება მოსამართლე ნინო სახელაშვილმა გამოაცხადა.

სოლიადრობა მზია ამაღლობელს

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი