უკრაინული მედიის ცნობით, რუსეთმა, დღეს, უკრაინის შეიარაღებული ძალების მიერ კურსკის ოლქის საზღვრის გარღვევის მცდელობის შესახებ განაცხადა.

მედიის ცნობით, კურსკის ოლქის გუბერნატორმა, ალექსეი სმირნოვმა სოციალურ ქსელში დაწერა, რომ რუსმა მესაზღვრეებმა უკრაინულ ჯარებს საზღვრის "გარღვევის" საშუალება არ მისცეს. 

როგორც მედია წერს, პარალელურად, რუსმა ბლოგერებმა გაავრცელეს ინფორმაცია, რომლის მიხედვითაც, საზღვრის გარღვევა უკრაინელებმა რამდენიმე ჯავშანმანქანით შეძლეს.

"რუსი ჯარისკაცები ამბობენ, რომ უკრაინის შეიარაღებული ძალები სუჯის რაიონში მდებარე დასახლებული პუნქტისკენ - გონჩაროვკისკენ მიემართებოდნენ. მოგვიანებით გაჩნდა ცნობა ბელგოროდის ოლქში საზღვრის გარღვევის მცდელობებზეც",- წერს მედია.

მათივე ინფორმაციით, უკრაინის თავდაცვის სამინისტროს აღნიშნულ საკითხზე ამ დრომდე ოფიციალური განცხადება არ გაუვრცელებია.

ქვეყნის დეზინფორმაციასთან ბრძოლის ცენტრის ხელმძღვანელმა, ანდრიი კოვალენკომ კი აღნიშნა, რომ რუსი სამხედრო ლიდერები "იტყუებიან", როდესაც აცხადებენ, რომ კურსკის ოლქში ვითარებას აკონტროლებენ. 

"რუსეთი არ აკონტროლებს საზღვარს",- დაწერა მან სოციალურ ქსელში.

აღსანიშნავია, რომ უკრაინელების მიერ საზღვრის გარღვევის მცდელობის შესახებ ინფორმაციის გავრცელებამდე ქალაქ სუჯას დაბომბვის შესახებ ცნობები გავრცელდა. თვითმხილველებმა სოციალურ ქსელში დაწერეს, რომ სუჯაში იერიშს მნიშვნელოვანი ნგრევა მოჰყვა. 

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო