ლიეტუვის მთავრობამ კიევში რუსეთის მიერ დაბომბილი ბავშვთა საავადმყოფოს აღსადგენად მილიონი ევროს გამოყოფის გადაწყვეტილება მიიღო. ამის შესახებ ინფორმაციას ლიეტუვის პრემიერ-მინისტრი ინგრიდა შიმონიტე სოციალურ ქსელ X-ზე ავრცელებს.

როგორც ლიეტუვის პრემიერი აღნიშნავს, "ტერორისტული სახელმწიფოს შეჩერების ერთადერთი გზა უკრაინის გამარჯვების მხარდაჭერის გაზრდაა".

"ლიეტუვის მთავრობამ ახლახან 1 მილიონი ევრო გამოყო კიევში ბავშვთა საავადმყოფოს "ოხმატდიტის" და სხვა სამედიცინო ობიექტების აღსადგენად, რომელიც რუსეთმა ასე გამიზნულად, ვერაგულად გაანადგურა. ტერორისტული სახელმწიფოს შეჩერების ერთადერთი გზა უკრაინის გამარჯვების მხარდაჭერის გაზრდაა. უკრაინის აღდგენის ერთადერთი სამართლიანი საშუალება აგრესორის მიერ საფასურის გადახდაა", - წერს შიმონიტე.

შეგახსენებთ, რუსეთმა კიევში მდებარე ბავშვთა საავადმყოფოზე იერიში 8 ივლისს მიიტანა, მომხდარის შედეგად დაიღუპა ათობით პირი და დაშავდა 100-ზე მეტი.

ავტორი: ექსპრესნიუსი,

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული