„რამდენიმე საათში გვეცოდინება, რომელი მხარე რა პასუხისმგებლობას იღებს“, - ამის შესახებ „ევროპული საქართველოს“ ყოფილმა ლიდერმა დავით ბაქრაძემ განაცხადა.

მან ასევე აღნიშნა, რომ „ქართული ოცნების“ ტონალობა შეხვედრის შემდეგ მისასალმებელია.

„მივესალმები იმ განცხადებების ტონალობას, რომელიც გაკეთდა დღეს „ქართული ოცნების“ წარმომადგენელთა მხრიდან და მივესალმები, რომ მათი მხრიდან მოიხსნა ის ხელოვნური წითელი ხაზები, რომელსაც ისინი ატარებენ მთელ რიგ საკითხებთან, მათ შორის რიგგარეშე არჩევნებთან და პოლიტიკურ დევნასთან დაკავშირებით.

მაგრამ შეხვედრა გამოაჩენს, არის ეს რიტორიკა სიტყვები სიტყვებისთვის, თუ ეს რიტორიკა გამოიხატება მზადყოფნაში კონკრეტული კომპრომისის და კონკრეტული შეთანხმებისთვის.

ძალინ დიდი იმედი მაქვს, რომ ეს რიტორიკა და ეს განცხადებები ასახული იქნება მათ პოზიციაში მოლაპარაკებების დროს.

ჩვენ ჩვენის მხრიდან მზად ვართ კონსტრუქციული მოლაპარაკებებისთვის. მზად ვართ იმისთვის, რომ მაქსიმუმი დავდოთ მოლაპარაკებათა მაგიდასთან, რომ შედეგი დადგეს და ქვეყანა კრიზისიდან გამოვიდეს.

ასე რომ, ძალიან სწრაფად, სულ რამდენიმე საათში გვეცოდინება, რომელი მხარე რა პასუხისმგებლობას და რა ტვირთს იღებს იმისთვის, რომ ქვეყანა გამოვიყვანოთ პოლიტიკური კრიზისიდან“,- განაცხადა დავით ბაქრაძემ.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო