თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორის ლევან რატიანის განცხადებით, ამჟამად კლინიკაში კორონავირუსით ინფიცირებული 51 პაციენტია, საიდანაც 6-ის მდგომარეობა კრიტიკულია.

მისი თქმით, კორონავირუსით ინფიცირებული 62 წლის ქალის ანალიზები ლუგარის ლაბორატორიაში განმეორებითი ტესტირებისათვის გაიგზავნა და უარყოფითი პასუხის შემთხვევაში ის კლინიკას დატოვებს.

„ამ ეტაპზე კლინიკაში არის 64 პაციენტი. აქედან 51 არის ინფიცირებული. კორონავირუსით ინფიცირებულმა 2-მა პაციენტმა დღეს დატოვა კლინიკა. რაც შეეხება კრიტიკულ პაციენტებს, კლინიკაში კრიტიკული პაციენტების განყოფილებაში მკურნალობს 6 პაციენტი. აქედან ჩვენი პირველი პაციენტების მდგომარეობა მკვეთრად დადებითია. ქალბატონი, რომელიც იყო 62 წლის დღეს გაიგზავნა განმეორებით ტესტირებაზე ლუგარში ანალიზები და თუ მივიღეთ უარყოფითი პასუხი ალბათ, ამ დღებში გაეწერება კლინიკიდან.

რაც შეეხება 80 წლის ქალბატონს, რომელიც მოხსნილია მართვითი სუნთქვიდან, გასულია რამდენიმე საათი, ამ ეტაპამდე ქალბატონი ინარჩუნებს გარეგანი სუნთქვის პარამეტრებს. იმედია ასე გაგრძელდება და ეს ქალბატონი რამდენიმე დღეში გაეწერება კლინიკიდან.

რაც შეეხება 42 წლის მამაკაცს, რომელიც შემოსულია ჩვენს კლინიკაში რამდენიმე დღის უკან, კლინიკურად სახეზე იყო მწვავე რესპირატორული დისტრესი სუნთქვის მწვავე უკმარისობით, ამ ეტაპზე მისი მდგომარეობა მეტ-ნაკლებად სტაბილურია. დინამიკა შენარჩუნებულია უარყოფითი დინამიკის გარეშე.

რაც შეეხება დანარჩენ სამ პაციენტს, მათი მდგომარეობა ამ ეტაპზე კრიტიკულია. განსაკუთრებით კი ერთი პაციენტის მდგომარეობაა მძიმე, რომელიც არის 67 წლის და რომელიც გადმოყვანილია სხვა კლინიკიდან. მისი ვიტალური პარამეტრები აღნიშნული სიმპტომური მკურნალობის შედეგად ნარჩუნდება.

ორსულ ქალბატონებს რაც შეეხებათ, მათთან კლინიკური გამოვლინებები კორონავირუსით დამახასიათებელი ამ ეტაპამდე არ ვლინდება. გვყავს 2 ორსული. რაც შეეხება თერაპილ განყოფილებას, იქ წევს 29 პაციენტი, რომელთაგანაც 29-ვე კომპიუტერული ტომოგრაფიით დადასტურებული აქვს მწვავე პნევმონია რესპირატორული დისტრესინდრომის გამოვლინებებით“, - განაცხადა ლევან რატიანმა.

ავტორი: ექსპრესნიუსი,

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა