2015-08-10 09:53:03, 679 ნახვა
სამართალი
საია სასამართლოში მსჯავრდებულის ციხეში შესვლა–გამოსვლის დროს გაშიშვლებას გააპროტესტებს
ახალგაზრდა იურისტთა ასოციაცია დღეს საკონსტიტუციო სასამართლოში სარჩელს შეიტანს.
როგორც საიას მიერ გავრცელებულ განცხადებაშია ნათქვამი, სარჩელი ეხება სასჯელაღსრულების და პრობაციის მინისტრის ბრძანებას, რომლის მიხედვითაც ყველა ბრალდებული და მსჯავრდებული, ვინც შედის და გამოდის ციხიდან, უნდა გაშიშვლდეს და გაშიშვლების შემდეგ აკეთებს ბუქნს.
საიას განცხადებით მინისტრის ბრძანება ეწინააღმდეგება კონსტიტუციის მე-17 მუხლის მე-2 პუნქტს, რომელიც კრძალავს ადამიანის პატივისა და ღირსების შემლახავ მოპყრობას.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
