2015 წლის პირველი კვარტლის შედეგებით, „ვითიბი ბანკმა“ 11,9 მილიონი ლარის აგრო კრედიტი გასცა. აქედან შეღავათიანი აგრო პროგრამის ფარგლებში 7,6 მილიონი ლარის სესხია გაცემული.

ბანკის ინფორმაციით, შეღავათიანი აგრო სესხები ძირითადად მეორე და მესამე  კომპონენტების ფარგლებშია გაცემული, რომლებიც ითვალისწინებენ ახალი საწარმოების შექმნის და სასოფლო - სამეურნეო დანიშნულების საბრუნავი და ძირითადი საშუალებების დაფინანსებას. პირველ კვარტალში „ვითიბი ბანკის“ აგრო სესხების პორტფელის ზრდამ 10% შეადგინა.

 „ჩვენ ძალიან წარმატებულად ვაფასებთ,  ბანკის მონაწილეობას აგროკრედიტის პროექტში. 2013 წლიდან „ვითიბი ბანკმა“ ათეულობით საწარმო დააფინანსა. სესხები ყველა არსებული კომპონენტის ფარგლებში გაიცემა. ვთვლით, რომ შეღავათიანი აგრო კრედიტის პროგრამის განხორციელება დადებითად მოქმედებს სოფლის მეურნეობის განვითარებაზე და მნიშვნელოვანი შედეგის მომტანია აგრო სექტორისთვის“, - განაცხადა „ვითიბი ბანკის“ საცალო ბიზნესის დირექტორმა ვალერიან გაბუნიამ.

ცნობისთვის, შეღავათიანი აგრო კრედიტის პროექტი 2013 წლის გაზაფხულიდან ამოქმედდა, „ვითიბი ბანკი“ პირველი დღიდან აქტიურად ჩაერთო და სესხებს ყველა არსებული კომპონენტის ფარგლებში გასცემს.

დაფინანსებულ სექტორებს შორისაა: მემცენარეობა, მევენახეობა, მეცხოველეობა, მეფრინველეობა, სასათბურე მეურნეობები და სხვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა ნატო გააკრიტიკა ირანთან დაკავშირებით დახმარების სურვილის არქონის გამო

უკრაინამ სამარის ოლქში, კრასნოდარის მხარეში და სევასტოპოლში ნავთობის ობიექტებს შეუტია

პაპუაშვილმა ზახაროვას განცხადებას უპასუხა: ჩვენ ხალხის ინტერესებიდან გამომდინარე ვმოქმედებთ

კონგრესმენი უილსონი: აშშ-სთვის მნიშვნელოვანია, რომ ანაკლია პეკინის დომინირების ქვეშ არ მოექცეს