სასჯელაღსრულების N5 დაწესებულებაში ახალგარემონტებული და უახლესი ტექნიკით აღჭურვილი სამედიცინო პუნქტი გაიხსნა, რომელიც დაწესებულების მსჯავრდებულებს ამბულატორიულ და სტაციონარულ მომსახურებას გაუწევს. 

უწყების ინფორმაციით, სამედიცინო პუნქტი მსჯავრდებულთა დროულ და ეფექტურ სამედიცინო დახმარებას უზრუნველყოფს და რეფერალის აუცილებლობას შეამცირებს. დაწესებულებაში განთავსებულ ბრალდებულებს და მსჯავრდებულებს კვალიფიციური სამედიცინო პერსონალი მოემსახურება. სამედიცინო პუნქტი თანამედროვე სტანდარტების შესაბამისი აპარატურით და ინვენტარით არის აღჭურვილი.

სამედიცინო ცენტრის გახსნის პარალელურად პატიმრობისა და თავისუფლების აღკვეთის #5 დაწესებულებაში კლინიკა „ავერსმა“ სასჯელაღსრულებისა და პრობაციის სამინისტროს სამედიცინო დეპარტამენტთან ერთად ბრალდებულთა და მსჯავრდებულთა პრევენციულ/სადიაგნოსტიკო გამოკვლევები განახორციელა. ექიმ-კონსულტანტებმა  პატიმრობისა და თავისუფლების აღკვეთის N5 დაწესებულებაში მყოფ 200-ზე  მეტ ბრალდებულ/მსჯავრდებულ ქალს სამედიცინო მომსახურება უსასყიდლოდ გაუწიეს. 

პრევენციული დიაგნოსტიკის გარდა, კომპანია „ავერსმა“ დაწესებულებას საჩუქრად  მაღალი ხარისხის მედიკამენტები გადასცა. 

აღნიშნული გამოკვლევები უკვე ჩატარდა პატიმრობისა და თავისუფლების აღკვეთის სამ დაწესებულებაში. წლის ბოლოსთვის  სამედიცინო პროფილაქტიკური კვლევები სისტემურ ხასიათს მიიღებს და სასჯელაღსრულების ყველა დაწესებულებას მოიცავს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი