პარლამენტის საფინანსო-საბიუჯეტო კომიტეტის თავმჯდომარის მოადგილის, ნოდარ ებანოიძის შეფასებით, ეროვნული ბანკის მიერ რეფინანსირების განაკვეთის გაზრდა მნიშვნელოვნად არ მომხდარა.

ებანოიძის განცხადებით, არსებულ ვითარებაში მონეტარული პოლიტიკის განაკვეთის გადახედვა ადეკვატური ნაბიჯია.

„ეს ნაბიჯი არ გადადგმულა იმიტომ, რომ სესხების მომსახურებას ეხებოდა, ეს გაკეთდა იქიდან გამომდინარე, რომ ლარის კურსთან დაკავშირებით მნიშვნელოვანი ცვლილებებია და ამ პროცესს ბევრი მიმართულებით შეშველება სჭირდება. კრიზისიდან გამოსვლა ამ ნაბიჯის გარეშეც შეიძლება სხვა სეგმენტების გაძლიერებით, თუმცა ზოგადად ეს არაა მნიშვნელოვანი აწევა“, - აღნიშნა ნოდარ ებანოიძემ.

შეგახსენებთ, ეროვნულმა ბანკმა მონეტარული პოლიტიკის განაკვეთი 5%-მდე გაზარდა. ცვლილებების მიზეზად ლარის გაცვლითი კურსის გაუფასურების ფონზე გაზრდილი ინფლაციის მოლოდინები დასახელდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა შავდათუაშვილი და ეთერი ლიპარტელიანი ძიუდოში ევროპის ჩემპიონები გახდნენ

ენმ-ის თავმჯდომარე: ივანიშვილი ზახაროვას დავალებას ბრწყინვალედ ასრულებს

ფრანგმა კანონმდებლებმა კოლონიური ეპოქის დროს ჩამორთმეული ძვირფასი ნივთების დაბრუნების შესახებ კანონი დაამტკიცეს

საქართველოში სოციალური დახმარების მიმღებთა რაოდენობა თითქმის 6%-ით შემცირდა