ზუგდიდის მუნიციპალიტეტის გამგეობის უსახლკაროთა და მძიმე საცხოვრებელი პირობების მქონე პირთა საცხოვრებელი ფართით უზრუნველყოფის კომისიამ დღეს, მორიგი სამუშაო სხდომა გამართა.

როგორც „ექსპრესნიუსს“ ზუგდიდის გამგეობიდან აცნობეს, სამუშაო ჯგუფმა კომისიის თავმჯდომარეს ედიშერ თოლორაიას ასაშენებელი სახლის ესკიზები და დეტალური მონაცემები წარუდგინა. მოხდა შეფასების კრიტერიუმების პროგრამის განხილვა.

პროექტის თანახმად, აშენდება ერთოთახიანი და სამოთახიანი სახლები. ერთოთახიანი სახლები აშენდება მარტოხელა და ორ სულიანი ოჯახებისთვის, ხოლო სამოთახიანი სახლები სამი და მეტი წევრისგან შემდგარი ოჯახებისთვის. პროექტის ფარგლებში სახლებს დასრულებული ფორმა ექნებათ. ბენეფიციარის საცხოვრებელი სახლი მოწესრიგებული სამზარეულოთი, სველი წერტილებით, მეტალოპლასტმასის კარ–ფანჯრებითა და ლამინირებული იატაკით იქნება უზრუნველყოფილი.

„სოციალური სახლების მშენებლობა უნდა დაიწყოს და დასრულდეს 2015 წელს. მუნიციპალიტეტის მასშტაბით სულ 20 სახლი აშენდება. თითოეული ბენეფციარების განცხადება კომიისიის მიერ იქნება განხილული და ადგილზე შესწავლილი“, - აცხადებენ ზუგდიდის გამგეობაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა შავდათუაშვილი და ეთერი ლიპარტელიანი ძიუდოში ევროპის ჩემპიონები გახდნენ

ენმ-ის თავმჯდომარე: ივანიშვილი ზახაროვას დავალებას ბრწყინვალედ ასრულებს

ფრანგმა კანონმდებლებმა კოლონიური ეპოქის დროს ჩამორთმეული ძვირფასი ნივთების დაბრუნების შესახებ კანონი დაამტკიცეს

საქართველოში სოციალური დახმარების მიმღებთა რაოდენობა თითქმის 6%-ით შემცირდა