პლატფორმა “სალამი” სოლიდარობას უცხადებს პროევროპულ აქციებზე დაკავებულ მოქალაქეებს, მათ შორის, ნეტგაზეთის/ბათუმელების თანადამფუძნებელსა და დირექტორს, მზია ამაღლობელს.

„პლატფორმა სალამში“ გაერთიანებულ ახალგაზრდებს მიგვაჩნია, რომ ხალხი აუცილებლად გავიმარჯვებთ სამართლიან ბრძოლაში", - წერია განცხადებაში.

„სისტემა ცდილობს გააჩუმოს ხალხის ხმა, რათა ჩაახშოს ობიექტური აზრი და გამოხატვის თავისუფლება. უკანონოდ დააპატიმრეს ბათუმელების/ნეტგაზეთის დირექტორი, მზია ამაღლობელი, რომელიც უკვე 19 დღეა შიმშილობს. შიმშილობა არის პროტესტის ყველაზე მძიმე ფორმა და მისი სიცოცხლე და ჯანმრთელობა ახლა რეალურ საფრთხეშია. ის კარგად აცნობიერებს, რომ მისი გაჩუმება არა მხოლოდ მისი, არამედ მთელ საზოგადოებას ეხება და მისი გაჩუმება ნიშნავს ხალხის გაჩუმებას, სიტყვისა და გამოხატვის თავისუფლების ჩახშობას. „პლატფორმა სალამი“ სოლიდარობასა და თანადგომას უცხადებს მას სამართლიან ბრძოლაში.

პროტესტი აღარ შემოიფარგლება მხოლოდ თბილისით. ის გავრცელებულია რეგიონებშიც, სადაც ადგილობრივი აქტივისტები სოლიდარობის ნიშნად იწყებენ შიმშილობას. გუშინ დმანისში სამოქალაქო აქტივისტი და „შეხვედრის ადგილის“ დამფუძნებელმა ლაშა ჩხვიმიანმა, მიმდინარე პროცესების მიმართ პროტესტის ნიშნად, დაიწყო შიმშილობა. „პლატფორმა სალამი“ სოლიდარობას და თანადგომას უცხადებს მას. „პლატფორმა სალამში“ გაერთიანებულ ახალგაზრდებს მიგვაჩნია, რომ ხალხი არ არის მხოლოდ ფორმალურად ხელისუფლების წყარო და ხალხი აუცილებლად გავიმარჯვებთ სამართლიან ბრძოლაში!“ – ვკითხულობთ „სალამის“ მიერ გავრცელებულ განცხადებაში.

.ცნობისთვის, მზია ამაღლობელი, რომელსაც ჯანმრთელობის პრობლემები აქვს, უკვე მეოცე დღეა, შიმშილობს.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი