ამ წუთებში  დაკავებული დემონსტრანტების ოჯახის წევრები ქვეყნის მესამე სექტორის წარმომადგენლებს ხვდებიან. დაკავებულების, ნათესავები აპირებენ, დეტალურად უამბონ მესამე სექტორის წარმომადგენლებს, რა ვითარებაში მოხდა მათი ოჯახის წევრების დაკავება, რას ედავება მათ ხელისუფლება და რა მტკიცებულებები არსებობს მათ წინააღმდეგ.

ხვალიდან ქართულ ორგანიზაციებს დაეკისრებათ მნიშვნელოვანი მისია – ისინი აქციებზე დაკავებულების საქმეების ერთგვარი ელჩები გახდებიან საერთაშორისო არენაზე. მათ ექნებათ შესაძლებლობა, ყველგან, სადაც წავლენ, ხმამაღლა ისაუბრონ ხელისუფლების  ქმედებებზე.

„ჩვენ ვამუშავებთ თითოეული დაკავებულის სისხლის სამართლის საქმეს და გვექნება თითოეულ საქმეზე კვალიფიციური, სამართლებრივი შეფასება არა მხოლოდ წინასწარ პატიმრობებთან დაკავშირებით, არამედ საქმის არსებით ნაწილზეც. ჩვენ გვინდა, მივაწოდოთ დაკავებულთა ოჯახის წევრებს ინფორმაცია, რას ვაკეთებთ მათი ოჯახის წევრების მხარდასაჭერად. ეს ინფორმაცია მუდმივ რეჟიმში მუშავდება, იგზავნება ყველა საერთაშორისო ადამიანის უფლებათა დაცვისა თუ პოლიტიკური ინსტიტუტის მისამართით. ჩვენი ყველა პარტნიორი იქნება ინფორმირებული და ექნებათ დამადასტურებელი მტკიცებულებები იმის შესახებ, თუ რატომ არიან ეს ადამიანები უსამართლოდ დაკავებულები და რა ხარვეზები და არსებითი პრობლემებია თითოეული მათგანის საქმეში. გვინდა, ამ ყველაფერზე ვესაუბროთ ოჯახის წევრებს, მათგანაც მივიღოთ დამატებითი ინფორმაცია. ადვოკატებთანაც გვაქვს კომუნიკაცია, ისინი გვაწვდიან მასალებს და ძალიან სწრაფად ვაპირებთ, თითოეული საქმე სრულად შევისწავლოთ“, – აცხადებს ყოფილი ომბუდსმენი ნინო ლომჯარია.

აქციებზე დაკავებულების ოჯახის წევრები იმედოვნებენ, რომ მათი ისტორიას მთელი მსოფლიო გაიგებს.

„ჩემი, და არა მხოლოდ ჩემი, მიზანია, რომ მთელმა მსოფლიომ გაიგოს, რა ხდება აქ. ვიცი, რომ ზოგადად ინფორმირებულნი არიან, მაგრამ დღევანდელი შეხვედრით ვფიქრობ, რომ უფრო მეტ პირად ისტორიას მოვყვებით, უფრო დეტალურად გავაცნობთ ამ ადამიანების ისტორიებს და დიდი იმედი მაქვს, რომ ისინი უბრალოდ სტატისტიკად არ დარჩებიან,“ – ამბობს ერთ-ერთი დაკავებულის ოჯახის წევრი.

ავტორი: ექსპრესნიუსი,

სოციალური ქსელები

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა