ულტიმატუმებით საუბარი ხელისუფლებისა და საზოგადოების მიმართ მიუღებელია, - ამის შესახებ ეკონომიკისა და მდგრადი განვითარების მინისტრმა, ნათია თურნავამ „ნამახვანჰესის“ გარშემო მიმდინარე პროტესტთან დაკავშირებით განაცხადა.

როგორც მან აღნიშნა, განსაკუთრებით მიუღებელია აქტივისტების მოწოდება, „ნამახვანჰესის“ კაშხლის დაბლოკვასა და პარალიზებასთან დაკავშირებით.

„როდესაც საუბარი არის ეკოლოგიაზე, უსაფრთხოებაზე, პროექტის დეტალებზე, ეს პასუხები უნდა გაიცეს კომპეტენტურად, ექსპერტების ჩართულობით. რა თქმა უნდა, არა ქუჩაში, არა კარვებში, არა მეგაფონის მეშვეობით, რადგან ეს არ არის სწორი ფორმატი, რომ მოსახლეობამ გაიგოს სიმართლე იმიტომ, რომ ძალიან ბევრი არასწორი ინფორმაცია და მითი ცირკულირებდა. ჩვენ და ინვესტორი კომპანია ძალიან ვცდილობთ, რომ ეს მითები გააქარწყლოს და მეტი ინფორმაცია მიაწოდოს საზოგადოებას. ამიტომ, ხელისუფლებამ პირველ რიგში მიაღწია შეთანხმებას კომპანიასთან, რომ სრული მორატორიუმი არის გამოცხადებული კაშხლის მშენებლობაზე. სწორედ კაშხალი არის ის დიდი ნაგებობა, რასთან დაკავშირებითაც ძალიან ბევრი კითხვა ვრცელდებობა. 

ევროკავშირის ენერგეტიკული გაერთიანების დავათა საბჭოს ხელმძღვანელის, ბატონი ბუშლეს ჩართულობა უკვე დაიწყო პირველი კონტაქტები სხვადასხვა დაინტერესებულ ორგანიზაციებთან და ესეც არაჩვეულებრივი ფორმატია იმისთვის, რომ თუნდაც აქტივისტებმა, ვინც ყველაზე აქტიურად აპროტესტებს ნამახვანის მშენებლობას გამოიყენონ ეს ფორმატი. მოვუწოდებთ მათ, რომ ჩაერთონ ამ კონსტრუქციულ რეჟიმში, კონსტრუქციულ დიალოგში, ეს არის ყველაზე სწორი საკითხის გადაწყვეტა. რაც შეეხება ულტიმატუმებს და რადიკალიზაციას, ეს არ არის სწორი გზა იმისთვის, რომ მართლაც გაირკვეს ყველა, მათ შორის ტექნიკური დეტალი. ულტიმატუმებით საუბარი ხელისუფლების მიმართაც მიუღებელია, საზოგადოების მიმართაც არის მიუღებელი. განსაკუთრებით არის მიუღებელი სხვადასხვა მოწოდება იმისკენ, რომ დავბლოკოთ, გავაჩეროთ და პარალიზება მოვახდინოთ“, - განაცხადა ნათია თურნავამ.

ავტორი: ექსპრესნიუსი,

სოციალური ქსელები

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა