საქართველოს იუსტიციის სამინისტროს სსიპ „დანაშაულის პრევენციის ცენტრის“ მედიაციის სახლში ყოფილი პატიმრებისთვის სოციალური უნარების განვითარების ორდღიანი ტრენინგი მიმდინარეობს. სემინარებს  ცენტრის სოციალური მუშაკები უძღვებიან.  ტრენინგის ფარგლებში  დანაშაულის პრევენციის ცენტრის ბენეფიციარები  შეისწავლიან დროის მართვას,  ეფექტიან კომუნიკაციას, გაეცნობიან  ქვეყანაში არსებულ სოციალურ სერვისებს, დასაქმების ხელშეწყობის მიზნით შეისწავლიან  CV-ისა და სამოტივაციო წერილის შედგენას, გაივლიან გასაუბრების იმიტაციას. ამ ეტაპზე ტრენინგში ჩართულია ათი ყოფილი პატიმარი. იუსტიციის სამინისტროს დანაშაულის პრევენციის ცენტრი „ყოფილ პატიმართა რეაბილიტაციისა და რესოციალიზაციის პროგრამას ახორციელებს“. მისი მიზანია  სასჯელაღსრულების დაწესებულებებიდან გათავისუფლებული პირების რეაბილიტაციის ხელშეწყობა, მათი დაბრუნება საზოგადოების სრულუფლებიან წევრებად. პროგრამაში ჩართულ ყოფილ პატიმრებს შეუძლიათ მიიღონ შემდეგი სერვისები: ფსიქო-სოციალური მომსახურება, ჯანდაცვის პრობლემების მოგვარება,  პროფესიული უნარების შეძენა და დასაქმების ხელშეწყობა, არაფორმალური განათლება/ ტრეინინგები, ყოფილი მსჯავრდებულის ოჯახის წევრთან მუშაობა,  იურიდიული დახმარება და სხვა. სოციალური უნარების განვითარების ტრენინგი ამ პროგრამის ერთ-ერთი შემადგენელი ნაწილია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.

ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო