პაატა ზაქარეიშვილის შეფასებით, საქართველო ტერორისტული აქტების თავიდან ასაცილებლად მზად არის

2015-01-16 17:00:53, 750 ნახვა

პოლიტიკა

შერიგებისა და სამოქალაქო თანასწორობის საკითხებში სახელმწიფო მინისტრის პაატა ზაქარეიშვილის შეფასებით, საქართველო ტერორისტული აქტების თავიდან ასაცილებლად მზად არის.

როგორც მინისტრმა „ექსპრესნიუსს“ განუცხადა, საქართველოში, მას შემდეგ რაც ხელისუფლება შეიცვალა, ტერორისტული აქტის განხორციელების მცდელობაც არ ყოფილა.

„რაც ხელისუფლება შეიცვალა , მას შემდეგ ტერორისტული აქტის განხორციელების მცდელობაც კი არ ყოფილა. ხოლო მიხეილ სააკაშვილის მმართველობის პერიოდში მუდმივად ხდებოდა მსგავსი ღონისძიებები, ანუ ჩვენი სახელმწიფო უფრო ეფექტურად პასუხობს მსგავს გამოწვევბს, ვიდრე ადრე“, – განაცხადა ზაქარეიშვილმა.

შეგახსენებთ, საფრანგეთში, ჟურნალ „Charlie Hebdo“-ს რედაქციაზე ტერორისტული თავდასხმა განხორციელდა. შედეგად 12 ადამიანი გარდაიცვალა, 11კი, დაიჭრა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან