2016-11-07 11:43:21, 1084 ნახვა
კომენტარი
გიორგაძე კულტურის მინისტრად ია მაქაცარიას შესაძლო დანიშვნაზე: ვერც უარვყოფ და ვერც დავადასტურებ
საქართველოს კულტურის მინისტრი მიხეილ გიორგაძე მის თანამდებობასთან დაკავშირებით შესაძლო ცვლილებებს არც უარყოფს და არც ადასტურებს.
როგორც გიორგაძემ აღნიშნა, სამთავრობო ცვლილებებთან დაკავშირებით განცხადებას პრემიერი გააკეთებს.
„მანამდე მე ვერაფერს ვერც დაგიდასტურებთ და ვერც უარვყოფ“, - აღნიშნა მინისტრმა.
არსებული ინფორმაციით, მიხეილ გიორგაძეს თანამდებობა შესაძლოა კულტურის საქალაქო სამსახურის ხელმძღვანელმა ია მაქაცარიამ დაიკავოს.
რაც შეეხება მაქაცარიას კანდიდატურას, გიორგაძის თქმით, ია მაქაცარი მაქაცარია აქტიურად არის ჩართული სხვადასხვა ერთობლივ პროექტებში.
„მას დავახასიათებდი, როგორც ძალიან მაღალი დონის პროფესიონალს, ძალიან კარგ გუნდურ მოთამაშეს“,- აღნიშნა მიხეილ გიორგაძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
