შინაგან საქმეთა სამინისტროს განსაკუთრებულ დავალებათა დეპარტამენტის შტაბის საბრძოლო მომზადებისა და დაგეგმარების სამმართველოს ინსტრუქტორებმა 5 დღიანი სამთო-ალპინისტური მოსამზადებელი წვრთნები თბილისის განსაკუთრებულ დავალებათა სამმართველოს მოსამსახურეებს ჩაუტარეს. სწავლების პერიოდში მათ სამთო აღჭურვილობის პრაქტიკაში გამოყენების მეთოდიკა შეისწავლეს.

წვრთნები ყაზბეგის მუნიციპალიტეტის ჭაუხის მთის მასივში ჩატარდა, სადაც თბილისის განსაკუთრებულ დავალებათა სამმართველოს მოსამსახურეებმა, ინსტრუქტორებთან ერთად, თხილამურებით, მკაცრ მეტეოროლოგიურ პირობებში, ზღვის დონიდან 2000 მეტრიდან, 13 კილომეტრი მარშით გაიარეს და 2900 მეტრ სიმაღლეზე ავიდნენ.

წარმატებით განხორციელებული მოსამზადებელი წვრთნების მეორე ეტაპი თბილისში, ბოტანიკური ბაღის სკალადრომზე გაგრძელდა. თბილისის განსაკუთრებულ დავალებათა სამმართველოს მოსამსახურეებმა კლდეზე ცოცვის, აჭურვილობის გამოყენებით სიმაღლეზე თოკით ასვლის, კლდიდან დაშვების, სწრაფი დაშვების უნარ-ჩვევები აიმაღლეს და ასევე, სიმაღლიდან დაშვება 50 მეტრი სიმაღლის ხიდიდან განახორციელეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო