ვლადიმერ პუტინი ფრონტზე მინიმალური წარმატებებისთვის უზარმაზარ ფასს იხდის და მისი რესურსები სწრაფად იწურება. ამის შესახებ ნატოს გენერალურმა მდივანმა მარკ რუტემ ლონდონში „ნებაყოფლობით კოალიციის“ შეხვედრის შემდეგ გამართულ პრესკონფერენციაზე განაცხადა.

„ასობით ათასი რუსი იღუპება პუტინის აგრესიის გამო. უკრაინა აგრძელებს გაბედულად თავის დაცვას და ჩვენი მხარდაჭერა მუშაობს. სიმართლე ისაა, რომ პუტინს ფული, ჯარისკაცები და იდეები ეწურება“, - ხაზგასმით აღნიშნა რუტემ.

მისი თქმით, ფრონტზე არსებული ვითარება ადასტურებს, რომ რუსეთის არმიას მხოლოდ მცირე წინსვლა შეუძლია და მხოლოდ კოლოსალური დანაკარგების ფასად. ნატოს გენერალურმა მდივანმა ასევე მხარი დაუჭირა აშშ-ის პრეზიდენტის დონალდ ტრამპის პოზიციას, რომელმაც განაცხადა საომარი მოქმედებების შეწყვეტის აუცილებლობის შესახებ ამჟამინდელ შეხების ხაზზე. „დადგა დრო, გავზარდოთ ზეწოლა რუსეთზე, რათა მიღწეულ იქნას საომარი მოქმედებების შეწყვეტა და უკრაინისთვის სამართლიანი მშვიდობა დამყარდეს“, - აღნიშნა რუტემ.

მან ასევე მიესალმა ევროპელი მოკავშირეების და კანადის გადაწყვეტილებას უკრაინისთვის დამატებითი სამხედრო დახმარების გაწევის შესახებ. „ბრძოლის ველზე განვითარებული მოვლენები აჩვენებს, რომ უკრაინისადმი ჩვენი მხარდაჭერა ნაყოფს იძლევა და ჩვენ იგივე სულისკვეთებით უნდა გავაგრძელოთ“, - განაცხადა ალიანსის ლიდერმა.

ეს არ არის პირველი შემთხვევა, როდესაც რუტე ასეთ განცხადებებს აკეთებს. 16 ოქტომბერს მან გაიხსენა, რომ ნატოს ქვეყნები რუსეთზე აბსოლუტური ეკონომიკური და სამხედრო უპირატესობით სარგებლობენ. „ჩვენ რუსეთზე 25-ჯერ დიდები ვართ. ნატოს ეკონომიკის ჯამური ღირებულება 50 ტრილიონი დოლარია, ხოლო რუსეთის - მხოლოდ დაახლოებით 2 ტრილიონი დოლარი, რაც ტეხასის შტატის ეკონომიკაზე ნაკლებია“, - თქვა მან და მოუწოდა მოსკოვის პოტენციალის გადაჭარბებული შეფასებისგან.

რამდენიმე დღით ადრე, სლოვენიაში გამოსვლისას, რუტემ ირონიულად გააკეთა კომენტარი რუსული ფლოტის მდგომარეობაზე და აღნიშნა, რომ „მოსკოვის საზღვაო ყოფნა ხმელთაშუა ზღვაში ნულამდე შემცირდა“. „მხოლოდ ერთი გაფუჭებული წყალქვეშა ნავი დარჩა, რომელიც პატრულიდან კოჭლობით უკან იხევს“. „ეს აღარ არის „წითელი ოქტომბრის ნადირობა“, არამედ უახლოესი მექანიკოსის ნადირობა“, - თქვა მან და სიტუაცია ტომ კლენსის ცნობილი რომანის სიუჟეტს შეადარა.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი