დღეს ბათუმის საქალაქო სასამართლოში "ბათუმელებისა" და "ნეტგაზეთის" დამფუძნებლის, მზია ამაღლობელის სისხლის სამართლის საქმის განხილვა მიმდინარეობს. ბრალდებულს სამართალდამცველზე თავდასხმის მუხლით (სსკ-ის 353-ე პრიმა) აქვს ბრალი წაყენებული. სასამართლო პროცესისადმი დიდი საზოგადოებრივი ინტერესი დილიდან გამოიკვეთა — შენობასთან მისი მხარდამჭერები და სამოქალაქო აქტივისტები შეიკრიბნენ.

სასამართლო დარბაზი პროცესის დაწყებამდე სრულად შეივსო. მხარდამჭერების დიდი ნაწილი სხდომას ვერ ესწრება და სასამართლოს ეზოდან ხმამაღალი შეძახილებითა და ბანერებით და გამოხატავს სოლიდარობას ჟურნალისტი მზია ამაღლობელის მიმართ.

ამაღლობელის პროცესს ევროკავშირის, საფრანგეთის, შვედეთის, გერმანიის, ჩეხეთის, ნიდერლანდების, პოლონეთისა და ლიეტუვას საელჩოს წარმომადგენლები, ასევე აქციებზე დაკავებული პირების მშობლებიც ესწრებიან.

მზია ამაღლობელის საქმე უკვე გასცდა მხოლოდ იურიდიულ ჩარჩოს — დღეს ეს პროცესი საზოგადოებისთვის თავისუფალი სიტყვის, ჟურნალისტური საქმიანობისა და სამოქალაქო უფლებების სიმბოლოდ იქცა.

მხარდაჭერა, რომელიც ბათუმის სასამართლოსთან იგრძნობა, კიდევ ერთხელ ცხადყოფს, რომ მნიშნელოვანი საზოგადოებრივი საკითხების მიმართ სოლიდარობის გამოხატვა საქართველოში კვლავ ძლიერი ძალაა.

ავტორი: ექსპრესნიუსი,

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს