საქართველოს საგარეო საქმეთა ყოფილი მინისტრი მაია ფანჯიკიძე ექსპრემიერ ბიძინა ივანიშვილის ბრალდებას, რომ ლარის გაუფასურება გარკვეულწილად სავიზო რეგულაციების გამკაცრებამ გამოიწვია, უსაფუძვლოს უწოდებს.

როგორც ფანჯიკიძემ განაცხადა, საქართველოს, დაახლოებთ, 120 ქვეყანასთან ჰქონდა უვიზო მიმოსვლა. მისი თქმით, მთავრობის ერთიანი აზრი იყო, რომ საემიგრაციო პოლიტიკა უნდა მოწესრიგებულიყო და ასევე, ეს იყო ევროკავშირის მოთხოვნა.

ფანჯიკიძის განმარტებით, ვიზების ლიბერალიზაციის სამოქმედო გეგმა მათ მაშინ გადაეცათ, როცა პრემიერ-მინისტრი  ჯერ კიდევ ბიძინა ივანიშვილი იყო.

"ეს მიდგომა ამ საკითხის მიმართ არის მცდარი.როგორც ეს გააკეთა ყოფილმა პრემიერ-მინისტრმა, როდესაც აღნიშნა, რომ ეს არის საგარეო საქმეთა სამინისტროს პასუხისმგებლობა. ეს არის მცდარი იმიტომ, რომ საქართველოს დაახლოებით, 120 ქვეყანასთან ჰქონდა უვიზო მიმოსვლა.მთავრობაში ერთიანი აზრი იყო, რომ საიმიგრაციო პოლიტიკა უნდა მოწესრიგებულიყო.გარდა ამისა, ეს იყო ევროკავშირის მოთხოვნა, რადგანაც მოგეხსენებათ, ჩვენ ვიზების ლიბერალიზაციის სამოქმედო გეგმა გადმოგვეცა მაშინ, როდესაც პრემიერ-მინისტრი ჯერ კიდევ იყო ბიძინა ივანიაშვილი",-განაცხადა მაია ფანჯიკიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული