2017-03-22 12:55:44, 1732 ნახვა
საზოგადოება სხვადასხვა
ეტლით ფარიკაობაში მსოფლიო თასის გათამაშების ჩემპიონი ირმა ხეცურიანი გახდა
იტალიის ქალაქ პიზაში, ეტლით ფარიკაობაში მსოფლიო თასის გათამაშების ჩემპიონი ირმა ხეცურიანი გახდა.
ხეცურიანმა რაპირაში მოპოვებულ ბრინჯაოს, ხმალში ოქროს მედალიც მიამატა და საქართველოში 2 მედლით დაბრუნდა.
ქართველმა პარასპორტსმენმა ფინალში გერმანელი მეტოქე ანგარიშით 15:4 დაამარცხა. ეს ირმა ხეცურიანის უკვე მეხუთე ოქროა კარიერაში.
აღსანიშნავია, რომ რაპირით ფარიკაობაში ბრინჯაოს მედალს საქართველოს ეტლით მოფარიკავეთა ნაკრების კიდევ ერთი წევრი - ნინი თიბილაშვილიც დაეუფლა.
პარასპორტსმენები თბილისში დღეს დაბრუნდნენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
