ივანიშვილის პარლამენტის თავჯდომარის შალვა პაპუაშვილის განცხადებით, თურქმენეთის პარლამენტის - მეჯლისის თავჯდომარე დუნიაგოზელ გულმანოვას შეხვდა.

პაპუაშვილის თქმით, შეხვედრაზე განიხილეს ორმხრივი ურთიერთობები პოლიტიკურ დონეზე, ასევე ეკონომიკის, ტრანსპორტის, ტურიზმისა და კულტურის მიმართულებებით და აღნიშნეს, რომ ქვეყნებს შორის ურთიერთობები წარმატებით ვითარდება. 

"ეს ვიზიტი თურქმენეთის მეჯლისის თავმჯდომარის პირველი ვიზიტია საქართველოში და მნიშვნელოვანია საქართველოსა და თურქმენეთს შორის ორმხრივი თანამშრომლობის შემდგომი განვითარებისთვის.

განსაკუთრებული ყურადღება გავამახვილეთ საპარლამენტო თანამშრომლობაზე.

ვიზიტის ფარგლებში, ხელი მოვაწერეთ საქართველოს პარლამენტსა და თურქმენეთის მეჯლისს შორის თანამშრომლობის შესახებ შეთანხმებას, რომელიც მიზნად ისახავს საპარლამენტთაშორისო ურთიერთობების შემდგომ განვითარებას, კერძოდ, საპარლამენტო მეგობრობის ჯგუფებს, სექტორულ კომიტეტებს, ახალგაზრდა პარლამენტარებს, ქალ პარლამენტარებსა და პარლამენტის ადმინისტრაციებს შორის კავშირების გაძლიერებას.

შეხვედრაზე, ასევე, ყურადღება გამახვილდა მრავალმხრივ ფორმატებში თანამშრომლობაზე, მათ შორის, საპარლამენტთაშორისო კავშირსა და ეუთოს საპარლამენტო ასამბლეის ფარგლებში.

აღვნიშნე, რომ საქართველო სტრატეგიული სატრანსპორტო დერეფნის ჯაჭვში მნიშვნელოვან ადგილს იკავებს და დაკავშირებადობის გაძლიერების მიმართულებით თურქმენეთთან თანამშრომლობის მზაობა გამოვხატე.

დუნიაგოზელ გულმანოვამ აღნიშნა, რომ თურქმენეთი მტკიცედ უჭერს მხარს საქართველოს სუვერენიტეტსა და ტერიტორიულ მთლიანობას. მან, აგრეთვე, ქართული მხარისადმი მადლიერება გამოხატა თურქმენეთის ნეიტრალიტეტის მხარდაჭერისთვის." - წერს შალვა პაპუაშვილი სოციალურ ქსელში. 

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი