საქართველოს პროკურატურამ გამოძიება დაიწყო „ლელოს“ მიერ გავრცელებული აუდიოჩანაწერის გამო.

პროკურატურამ „ინტერპრესნიუსს“ განუცხადა, რომ გამოძიება დაიწყო სისხლის სამართლის კოდექსის 162-ე პრიმა მუხლით.

„ჩატარდება ყველა საჭირო საგამოძიებო და საპროცესო მოქმედება. გამოძიების ფარგლებში, ასევე დაიკითხება აუდიოჩანაწერში ნახსენები პირი“, - განუცხადეს პროკურატურამ „ინტერპრესნიუსს“.

ცნობისთვის, კოალიცია „ლელო - ძლიერი საქართველო“ აქვეყნებს აუდიოჩანაწერს, რომელიც, მათივე ინფორმაციით, ადასტურებს კოალიციის ერთ-ერთი მაჟორიტარი კანდიდატის მიმართ ზეწოლის, ძალადობის გამოყენების, მუქარისა და მოსყიდვის მცდელობას, „რის შედეგადაც მან მოხსნა თავისი კანდიდატურა“.

როგორც „ლელო - ძლიერი საქართველო“-სა და „გახარია საქართველოსთვის“-ს მერობის ერთობლივმა კანდიდატმა ირაკლი კუპრაძემ დღევანდელ ბრიფინგზე აღნიშნა, კიზილაჯლოში „ლელო - ძლიერი საქართველო“-ს მაჟორიტარი კანდიდატის მიმართ სახელმწიფო უსაფრთხოების სამსახურისა და ადგილობრივი პოლიციის ჩართულობით ზეწოლა ხორციელდებოდა.

ავტორი: ექსპრესნიუსი,

სოციალური ქსელები

ბუშის ინსტიტუტის დირექტორი: ივანიშვილის წინააღმდეგ სანქციების მოხსნა ნაკლებად სავარაუდოა

2025 წელს საქართველოში გაზის გაჟონვისა და აფეთქებების შედეგად 18 ადამიანი დაიღუპა

CNN: ჩინეთი ირანისთვის საჰაერო თავდაცვის სისტემების მიწოდებას უახლოეს კვირებში გეგმავს

ევროკავშირის საგარეო საქმეთა მინისტრები საქართველოში არსებულ ვითარებას 21 აპრილს განიხილავენ