ინტერპოლის ეროვნული ცენტრალური ბიუროს თანამშრომლებმა, თბილისის საერთაშორისო აეროპორტში, რუსეთის ფედერაციის, კერძოდ, ქალაქ მოსკოვის მიმართულებით საქართველოს სახელმწიფო საზღვრის კვეთის დროს, შვედეთის სამეფოს სამართალდამცავი ორგანოების მიერ ძებნილი, შვედეთის სამეფოს მოქალაქე, 1982 წელს დაბადებული ნოდარ ზ. დააკავეს.
შინაგან საქმეთა სამინისტროს ინფორმაციით, ნოდარ ზ. დაკავების და შემდგომი ექსტრადიციის მიზნით, სტოკჰოლმის ინტერპოლის მიერ საერთაშორისო ძებნაში  2015 წლის 13 იანვარს გამოცხადდა.
"მას ბრალად ედება შვედეთის სამეფოს სისხლის სამართლის კოდექსის მე-8 თავის მე-4 მუხლით გათვალისწინებული დანაშაულის ჩადენა, რაც დამამძიმებელ გარემოებებში ჩადენილი ქურდობას გულისხმობს.
2014 წლის 4-6 თებერვალს ნოდარ ზ-მ შვედეთის სამეფოში ჩაიდინა რამდენიმე, შეღწევით ქურდობა, უკანონოდ დაეუფლა დიდი ოდენობით საიუველირო ნაკეთობებს და iPhone-ის სისტემის მობილურ ტელეფონებს. აღნიშნული დანაშაულისთვის დაკავებულს შვედეთის კანონმდებლობის მიხედვით 6 წლით თავისუფლების აღკვეთა ემუქრება",-განმარტავენ შსს-ში.
მათივე ცნობით, ამჟამად ნოდარ ზ.  ქალაქ თბილისის N1 დროებითი მოთავსების იზოლატორშია გადაყვანილი და მის მიმართ  კანონით გათვალისწინებული წინასაექსტრადიციო პროცედურები მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

RECSOL-მა Altaris-ის „საუკეთესო მწვანე ინიციატივის“ ჯილდო მიიღო - „თეგეტა ჰოლდინგის“ მხარდაჭერით საქართველოში საბურავების გადამმუშავებელი საწარმო შენდება

ერთი პირი სტუმრად ყოფნისას შეუძლოდ გახდა და გარდაიცვალა, ორმა მამაკაცმა ცხედარი ტყეში დამალეს და მიიმალნენ

აქედან არ გავალთ,- ოჯახები, რომლებსაც საკუთრებას ჩამოართმევენ

ყველაზე მასშტაბური გუნდური ოლიმპიადა საქართველოში - როგორია საქართველოს ბანკის და კომაროვის STEM ოლიმპიადა