მე ხმა მივეცი საქართველოს გამარჯვებას, არ უნდა დავუბრუნდეთ წარსულს, უნდა გავიხედოთ მომავლისკენ, - ამის შესახებ "ქართული ოცნება - დემოკრატიული საქართველოს" აღმასრულებელმა მდივანმა, ირაკლი კობახიძემ საარჩევნო უბანზე ხმის მიცემის შემდეგ, ჟურნალისტებს განუცხადა.

მისივე თქმით, "ქართულ ოცნებას" აქვს ყველანაირი რესურსი, რომ დამაჯერებლად მოიგოს 2020 წლის საპარლამენტო არჩევნები.

 „დღეს გაიმარჯვებს ქართველი ხალხის სწრაფვა პროგრესისკენ, განვითარებისკენ, დასავლეთისკენ. დღეს გაიმარჯვებს საქართველო, ამაში ვართ ყველა დარწმუნებული.

მე ხმა მივეცი, რა თქმა უნდა, საქართველოს გამარჯვებას და იმ პოლიტიკურ ძალას, რომელსაც შესწევს უნარი, რომ გააგრძელოს ჩვენი ქვეყნის წინსვლა, ჩვენ რა თქმა უნდა, არ უნდა დავუბრუნდეთ წარსულს და უნდა გავიხედოთ მომავლისკენ.

მოლოდინი არის დამაჯერებელი გამარჯვება, ჩვენ გვაქვს ყველანაირი რესურსი, რომ დამაჯერებლად მოვიგოთ ეს არჩევნები, მთავარია საზოგადოების სრული მობილიზაცია. ძალიან კარგია, რომ საზოგადოების მაღალი აქტივობაა საარჩევნო უბნებზე და იმედი მაქვს, ასე გაგრძელდება“, - განაცხადა ირაკლი კობახიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ბაზისბანკის მხარდაჭერით ფულის გლობალური კვირეულისადმი მიძღვნილი ნახატების კონკურსი "ჩემი რეგიონი - ჩემი ბანკნოტი" დასრულდა

RECSOL-მა Altaris-ის „საუკეთესო მწვანე ინიციატივის“ ჯილდო მიიღო - „თეგეტა ჰოლდინგის“ მხარდაჭერით საქართველოში საბურავების გადამმუშავებელი საწარმო შენდება

ერთი პირი სტუმრად ყოფნისას შეუძლოდ გახდა და გარდაიცვალა, ორმა მამაკაცმა ცხედარი ტყეში დამალეს და მიიმალნენ

აქედან არ გავალთ,- ოჯახები, რომლებსაც საკუთრებას ჩამოართმევენ