„ლარის დევალვაციამ ძალიან სერიოზული დარტყმა მიაყენა ენერგეტიკის დარგს“,- ამის შესახებ ვიცე-პრემიერმა, ენერგეტიკის მინისტრმა კახა კალაძემ ჟურნალისტებს საქართველოს ეროვნული მარეგულირებელი კომისსიის მიერ ელექტროენერგიის ტარიფის გადახედვის საკითხის კომენტირებისას განუცხადა.

მისი თქმით, კომისიის გადაწყვეტილება საზოგადოებისთვის უახლოეს ხანებში ცნობილი იქნება.

„ტარიფებზე მუშაობს მარეგულირებელი კომისია და ალბათ ტარიფები უახლოეს მომავალში დათვლილი და ცნობილი იქნება საზოგადოებისთვის. არაერთხელ განმიცხადებია, რომ ლარის დევალვაციამ ძალიან სერიოზული დარტყმა მიაყენა ენერგეტიკის დარგს და შესაბამისად კომპანიები, თბოსადგურები ძალიან დიდი წნეხის ქვეშ აღმოჩნდნენ. იმპორტირებული ელექტროენერგიის წილი ძალიან დიდია, ასევე ძალიან დიდი წილია გაზისა, რომელიც მუშავდება თბოელექტროსადგურებში და ვიღებთ ელექტროენერგიას", - განაცხადა კახა კალაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის პარლამენტმა „შრომითი მიგრაციის შესახებ" კანონში ცვლილება მიიღო

უცხო ქვეყნის მოქალაქეთათვის საქართველოს ვიზის მიღება გართულდა, პარლამენტმა კანონი მიიღო

ბოჭორიშვილი უარყოფს, რომ მიღებული კანონების გამო პროექტები გაუქმდა ან შეჩერდა

სანქცირებული, პროსახელისუფლებო „იმედის“ იურიდიული სამსახურის უფროსი, კომუნიკაციების კომისიის წევრი გახდა