ეკონომიკისა და მდგრადი განვითარების სამინისტროს შენობა "ჰუალინგ ჯგუფმა" შეიძინა.

კომპანიის განცხადებით, ფიზიკური პირი თამარ მაზიაშვილი "ჰუალინგ ჯგუფის“ წარმომადგენელია.

„ჰუალინგ ჯგუფმა“ გამართულ ელექტრონულ აუქციონზე, საქართველოს ეკონომიკისა და მდგრადი განვითარების სამინისტროს შენობა 9 450 000 აშშ დოლარად შეიძინა.

ახალი მეპატრონის საინვესტიციო ვალდებულებების შესაბამისად, „ჰუალინგ ჯგუფი“ აღნიშნულ შენობაში 3 წლის ვადაში არანაკლებ 100-ნომრიანი სასტუმროს მოწყობას გეგმავს”, - აღნიშნავენ კომპანიაში.

ეკონომიკის სამინისტროს შენობა ფიზიკურმა პირმა თამარ მაზიაშვილმა იყიდა, საპრივატიზებო პირობების მიხედვით გამარჯვებული ვალდებულია აღნიშნული თანხა აუქციონის დასრულებიდან 30 კალენდარული დღის ვადაში გადაიხადოს.

სახელმწიფო ქონების ეროვნულმა სააგენტოს ინფორმაციით, ქონების მიმართ საკმაოდ მაღალი დაინტერესება იყო, რაც აუქციონზე დადებული ბიჯების უპრეცენდენტო რაოდენობაშიც გამოიხატა - მათმა რაოდენობამ 690 შეადგინა.

ჭანტურიას N12–ში მდებარე უძრავი ქონების მიწის საერთო ფართი შეადგენს 4210.00 კვ.მ-ს, ხოლო მასზე განთავსებული შენობის ფართი - 11271.52 კვ.მეტრია. ეკონომიკისა და მდგრადი განვითარების სამინისტრო აღნიშნულ შენობაში მიმდინარე წლის ბოლომდე დარჩება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა შავდათუაშვილი და ეთერი ლიპარტელიანი ძიუდოში ევროპის ჩემპიონები გახდნენ

ენმ-ის თავმჯდომარე: ივანიშვილი ზახაროვას დავალებას ბრწყინვალედ ასრულებს

ფრანგმა კანონმდებლებმა კოლონიური ეპოქის დროს ჩამორთმეული ძვირფასი ნივთების დაბრუნების შესახებ კანონი დაამტკიცეს

საქართველოში სოციალური დახმარების მიმღებთა რაოდენობა თითქმის 6%-ით შემცირდა