თავდაცვის ყოფილი მინისტრი მინდია ჯანელიძე საპარლამენტო უმრავლესობის ლიდერის დავით საგანელიძის „მოამბის“ ეთერში გუშინ გაკეთებულ განცხადებას არ ეთანხმება, რომლის თანახმადაც ჯანელიძეს მინისტრობის პერიოდში არ ჰქონდა მკვეთრად გამოხატული დასავლური ორიენტირები ან ეს არ ჩანდა.
როგორც მან  ჟურნალისტებს თემის კომენტირებისას განუცხადა, ყველა საერთაშორისო აქტივობა, რომლის 90% სწორედ დასავლურია, მაღალ დონეზე მიმდინარეობდა.
ჯანელიძე იმედოვნებს, რომ ეს ტენდენცია კიდევ უფრო  გაძლიერდება.
„მე არ მომისმენია ეს განცხადებები, მაგრამ თუ ეს ასე იყო ნათქვამი, ნება მომეცით არ დავეთანხმო, რადგან ყველა ის აუცილებელი საერთაშორისო აქტივობა  მაღალ დონეზე მიმდინარეობდა. საერთაშორისო აქტივობის 90% დასავური აქტივობაა. შესაბამისად, მე იმედი მაქვს, რომ ეს ტენდენცია კიდევ უფრო გაძლიერდება“, – აღნიშნა ჯანელიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შეერთებულმა შტატებმა ირანის სრული საზღვაო ბლოკადის დაწესების შესახებ განაცხადა

მარნეულში მატარებელი ცხვრის ფარას შეეჯახა, მწყემსი დაჯარიმდა

სასკოლო ფორმების დიზაინი ცნობილია

ახალგორის რაიონში გახშირდა ჩხრეკები და მობილური ტელეფონების ჩამორთმევის ფაქტები - DRI