„ბათუმის N1 პოლიკლინიკის“ ექიმებმა მახუნცეთის თემში უფასო სამედიცინო აქცია ჩაატარეს.

აჭარის ჯანდაცვის სამინისტროს ინფორმაციით, აქციის ფარგლებში მომსახურება გაეწია 211 პაციენტს, აქედან ექოსკოპიური კვლევა ჩაუტარდა 61-ს, ელექტრო კარდიოგრაფია 24-ს, ხოლო გლუკომეტრია 8 პაციენტს.

მომსახურება ითვალისწინებდა ენდოკრინოლოგის, უროლოგის, ლარინგოლოგის, ოფთალმოლოგის, ალერგოლოგის, ნევროპათოლოგის, კარდიოლოგის, და ექოსკოპისტის კონსულტაციას და სამედიცინო კვლევებს.

აქცია, „ქ. ბათუმის N1 პოლიკლინიკის“ ინიციატივით და აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს და ქედის მუნიციპალიტეტის მხარდაჭერით გაიმართა.

ბოლო ორი თვის განმავლობაში უფასო სამედიცინო აქცია აჭარის 5 მუნიციპალიტეტის 6 თემში ჩატარდა. მომსახურებით 1297-მა პაციენტმა ისარგებლა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ახალგორის რაიონში გახშირდა ჩხრეკები და მობილური ტელეფონების ჩამორთმევის ფაქტები - DRI

PSP-ში K-Beauty გათამაშებაში 1000 პრიზთან ერთად შეგიძლიათ მოიგოთ სამოგზაურო ტური სამხრეთ კორეაში!

პოლიციამ 107 შეკვრად დაფასოებული ნარკოტიკი ამოიღო - დაკავებულია 2 პირი

თბილისში კაცი ცოლის არასრულწლოვან შვილიშვილებს პერიოდულად აუპატიურებდა