აჭარის  მთავრობის თავმჯდომარე ზურაბ პატარაძე, ბათუმის მერი გიორგი ერმაკოვი, მთავრობისა და მუნიციპალიტეტის წარმომადგენლები აგვისტოს ომში დაღუპული ჯარისკაცების ოჯახის წევრებთან ერთად რუსეთ-საქართველოს ომში დაღუპულთა სკვერში შეიკრიბნენ და მემორიალი გვირგვინებითა და ყვავილებით შეამკეს.

აჭარის მთავრობის პრესსამსახურის ინფორმაციით, ღონისძიებას ასევე  საქართველოს შეიარაღებული ძალების წარმომადგენლები ესწრებოდნენ. 

რუსეთ-საქართველოს ომში დაღუპულთა სკვერის რეაბილიტაცია წელს დაიწყო.

ომში დაღუპულთა ხსოვნის პატივსაცემად 5.4 მ. სიმაღლის მემორიალი აღიმართა.

რაც შეეხება სკვერის რეაბილიტაციას, მოეწყო საფეხმავლო ბილიკები, შეიცვალა დეკორატიული ფილები, განთავსდა მოსასვენებელი სკამები, დამონტაჟდა გარე განათება და განხორციელდა გამწვანებითი სამუშაოები. სამომავლოდ იგეგმება წყლის დასალევი შადრევანის მონტაჟიც.

 „ჩვენ შარშანაც ვიყავით ერთად ამ სკვერში და წელს ვხედავთ რეაბილიტირებულ, მოწესრიგებულ სკვერს ახალი მონუმენტით, რაც გვახარებს, თუმცა ჩვენ უფლება არ გვაქვს დავივიწყოთ ჩვენი გმირების სახელები, რომლებმაც თავი შესწირეს ჩვენი ქვეყნის ერთიანობას, ჩვენი ქვეყნის მომავალს, განვითარებას, ჩვენი შვილების მომავალს. ჩვენ ვალდებული ვართ გვახსოვდეს მათი სახელები," - აღნიშნა ზურაბ პატარაძემ.

ცნობისთვის, რუსეთ-საქართველოს შორის კონფლიქტს 228 მშვიდობიანი მოქალაქე, 170 - სამხედრო პირი და 14 პოლიციელი შეეწირა. აჭარიდან 19 სამხედრო პირი დაიღუპა. მათ შორის ორი ბათუმელი.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანაპას სანაპიროზე ნავთობის დაღვრის შედეგად 200-ზე მეტი დაშავებული ფრინველი აღმოაჩინეს

სააკაშვილი: ივანიშვილს და ოცნებას მამა გარდაეცვალა ორბანის სახით

პოპის ვარსკვლავი ბრიტნი სპირსი ალკოჰოლიზმთან საბრძოლველად რეაბილიტაციის ცენტრში დაწვა

ძლიერი საქართველო: ვულოცავთ მადიარს, უმთავრესი გაკვეთილი ცხადია, ბრძოლა ბოიკოტის მაგიერ