„ბოლო პერიოდში მედიკამენტებზე ფასები სტაბილურია და მატება არ შეინიშნება“, - ამის შესახებ ჯანდაცვის მინისტრის მოადგილე ვალერი კვარაცხელიამ, ლარის გაუფასურების გამო, მედიკამენტების გაძვირებასთან დაკავშირებით განაცხადა.

მისივე ინფორმაციით, ბოლო თვეში მედიკამენტებზე ფასების კლება ფიქსირდება.

„თვეში ორჯერ, ჩვენ ფასების მონიტორინგს ვაწარმოებთ. იმ პერიოდში, როდესაც ლართან დაკავშირებით სერიოზული პრობლემები არსებობდა, შევძელით, ძირითად მედიკამენტებზე ფასები მეტნაკლებად შეგვენარჩუნებინა. არავისთვის დაგვიძალებია, რომ ფასები არ გაეზარდათ. ამ ეტაპზე ბაზარზე ფასები სტაბილურია. იმ პერიოდში, დაახლოებით 500-600 დასახელების მედიკამენტი 10-15%-ით გაძვირდა, თუმცა შემდეგ ზრდა შეჩერდა და ამ ეტაპისთვის არანაირი მატება აღარ შეინიშნება, პირიქით, ზოგიერთმა სააფთიაქო ქსელმა, ბოლო პერიოდში, გარკვეულ მედიკამენტებზე ფასები შეამცირა“, - განაცხადა კვარაცხელიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა