მინდია ჯანელიძის შეფასებით, ოპოზიცია ვალერიან ზუმბაძის საკითხთან დაკავშირებით სპეკულირებს

2015-04-08 18:12:00, 322 ნახვა

პოლიტიკა

თავდაცვის მინისტრის მინდია ჯანელიძის შეფასებით, ოპოზიცია თავდაცვის სამინისტროს გენერალური ინსპექციის უფროსის ყოფილ მოადგილე ვალერიან ზუმბაძის საკითხთან დაკავშირებით სპეკულირებს.

მინისტრმა კიდევ ერთხელ განმარტა, რომ ზუმბაძე თავდაცვის უწყებაში აღარ მუშაობს.

„ზუმბაძესთან დაკავშირებით ეს არის მორიგი ნიმუში, თუ როგორ სპეკულირებენ თემებზე ჩვენი ოპონენტები და მათთან დაკავშირებული სუბიექტები. ამ ადამიანმა თავად თქვა, რომ წავიდა, მერე თავდაცვის სამინისტრომ არაერთხელ განაცხადა, რომ ეს ადამიანი აღარ მუშაობს თავდაცვის უწყებაში. გუშინ გამოვაქვეყნეთ ბრძანება, რომ ის ნამდვილად აღარ მუშაობს, მემგონი დაიჯერებენ. შეიძლება კიდევ არ დაიჯერონ და დასვან კითხვები. ამ საკითხზე მინდა, რომ საუბარი დამთავრდეს. როცა ჩვენ რაღაცას ვამბობ, ამას პასუხისმგებლობა მოსდევს, პასუხისმგებლობას კი ჩვენ ვაცნობიერებთ“, - აღნიშნა ჯანელიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან