2017-02-13 14:39:49, 2210 ნახვა

---

შოთაძე: დეკანოზ გიორგი მამალაძის ბინის ჩხრეკისას ამოღებულია ცეცხლსასროლი იარაღი და 6 ცალი საბრძოლო ვაზნა

მთავარი პროკურორის, ირაკლი შოთაძის ინფორმაციით, დეკანოზ გიორგი მამალაძის ბინის ჩხრეკისას სამართალდამცველებმა ცეცხლსასროლი იარაღი და 6 ცალი საბრძოლო ვაზნა ამოიღეს.

ამის შესახებ შოთაძემ დღეს გამართულ ბრიფინგზე განაცხადა:

„გიორგი მამალაძის საცხოვრებელი ბინის ჩხრეკისას ამოღებული იქნა კუსტარული წესით დამზადებული უნომრო ცეცხლსასროლი იარაღი და 6 ცალი საბრძოლო ვაზნა, რომლებიც მან მართლსაწინააღმდეგოდ შეიძინა და  თავის საცხოვრებელ ბინაში ინახავდა.

გამოძიების ამ ეტაპზე მოპოვებული მტკიცებულებების საფუძველზე, მთავარი პროკურატურა მუშაობს რამდენიმე ვერსიაზე და ყველა მიმართულებით ინტენსიურად მიმდინარეობს საგამოძიებო მოქმედებები“, - განაცხადა შოთაძემ.

ცნობისთვის, მთავარი პროკურორის, ირაკლი შოთაძის ინფორმაციით, დეკანოზი გიორგი მამალაძე მკვლელობის მომზადების ფაქტზეა დაკავებული.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი