საქართველოს პრეზიდენტი გიორგი მარგველაშვილი ჩრდილოატლანტიკური ალიანსის საპარლამენტო ასამბლეის ეკონომიკისა და უსაფრთხოების კომიტეტის, ტრანსფორმაციისა და განვითარების ქვეკომიტეტის და საქართველო-ნატო-ს საპარლამენტთაშორისო საბჭოს წევრებს შეხვდა.

პრეზიდენტის პრესსამსახურის ინფორმაციით, შეხვედრისას მხარეებმა საქართველო-ნატო-ს შორის თანამშრომლობის საკითხები განიხილეს. ხაზგასმით აღინიშნა ნატო-ს საპარლამენტო ასამბლეის როლის მნიშვნელობა ურთიერთობის გაღმავების მიმართულებით. საუბარი შეეხო ჩრდილოატლანტიკური ალიანსის უელსის სამიტზე მიღებული გადაწყვეტილებების ეფექტიანი იმპლემენტაციის გზებს.

განსაკუთრებული ყურადღება დაეთმო საქართველოს ოკუპირებულ ტერიტორიებზე არსებულ მდგომარეობას. ნატო-ს საპარლამენტო ასამბლეის წარმომადგენლებმა კიდევ ერთხელ დაადასტურეს რუსეთის ფედერაციასა და სოხუმისა და ცხინვალის საოკუპაციო რეჟიმებს შორის გაფორმებულ ე.წ. „მოკავშირეობისა და ინტეგრაციის შესახებ ხელშეკრულებების“ სრული მიუღებლობა.

შეხვედრისას ასევე განიხილეს რეგიონში არსებული უსაფრთხოების გარემო, რუსეთის პოლიტიკა მეზობელი სახელმწიფოების მიმართ, მათ შორის უკრაინაში მიმდინარე მოვლენები.

საპარლამენტო ასამბლეამ მადლობა გადაუხადა ქართულ მხარეს ნატო-ს სამშვიდობო  მისიებში საქართველოს აქტიური მონაწილეობისთვის. მხარეებმა იმედი გამოთქვეს, რომ ერთობლივი ძალისხმევით არსებული ნაყოფიერი თანამშრომლობა მომავალში კიდევ უფრო გაძლიერდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის პარლამენტმა ე.წ გრანტების შესახებ კანონში ცვლილებას მხარი დაუჭირა

საქართველოს ბანკის მხარდაჭერით, “ბაზარი ორბელიანზე” მეწარმე ქალების პროდუქციის გამოფენა-გაყიდვა გაიმართება

SOLO-ს მხარდაჭერით, თბილისი თანამედროვე ხელოვნების პირველ საერთაშორისო აუქციონს უმასპინძლებს

ადამიანის უფლებათა კომისარს მოუწოდეს გამოიძიოს ივანიშვილის რეჟიმის პრაქტიკა, გააშიშვლონ პატიმარი ქალები