საქართველოს თავდაცვის მინისტრის პირველმა მოადგილემ ლელა ჩიქოვანმა ნატო-საქართველოს წვრთნისა და შეფასების ერთობლივი ცენტრის (JTEC) მრჩეველთა ჯგუფის წევრი, კაპიტანი ჯეიმს ბრეკლი გენერალ კვინიტაძის სახელობის უწყებრივი მედლით დააჯილდოვა.

თავდაცვის სამინისტროს ინფორმაციით, ბრიტანელ ოფიცერს ჯილდო საქართველოსა და ნატოს შორის სამხედრო თანამშრომლობის განვითარების საქმეში შეტანილი წვლილისთვის გადაეცა.

მინისტრის მოადგილემ ბრიტანელ ოფიცერს მადლობა საქართველოში წარმატებული მისიისთვის გადაუხადა და წარმატებები უსურვა.

კაპიტან ჯეიმს ბრეკლი საქართველოში ექვსი თვის განმავლობაში მოღვაწეობდა. მისი შემცვლელი JTEC-ის მრჩეველთა ჯგუფში იანვრიდან შეუდგება მუშაობას.

დაჯილდოების ცერემონიალი თავდაცვის სამინისტროში გაიმართა. ღონისძიებას ნატო-საქართველოს არსებითი პაკეტის (SNGP) ნატოელი ექსპერტები, ასევე საქართველოში დიდი ბრიტანეთის გაერთიანებული სამეფოს თავდაცვის ატაშე, ვიცე-პოლკოვნიკი დავიდ ეთელი და თავდაცვის უწყების წარმომადგენლები დაესწრნენ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია