საქართველოს პრემიერ–მინისტრმა ირაკლი ღარიბაშვილმა დონორი ორგანიზაციების ხელმძღვანელებს მთავრობის ძირითადი პრიორიტეტები გააცნო. 

როგორც მან „ქორთიარდ მერიოტში“ დონორების საკოორდინაციო ფორუმზე სიტყვით გამოსვლისას განაცხადა, საქართველოს მთავრობისთვის პრიორიტეტულია დემოკრატიული მმართველობის გაძლიერება და კანონის უზენაესობა.

გარდა ამისა, მისივე თქმით, მთავრობა საჯარო სამსახურის რეფორმის განხორცილებას განაგრძობს. 

„დღეს გაგაცნობთ ძირითად პრიორიტეტებს. პირველ რიგში, ეს გახლავთ დემოკრატიული მმართველობის გაძლიერება და კანონის უზენაესობა. ჩვენ განვაგრძობთ საჯარო მმართველობის მიმართულებით ფართომასშტაბიანი რეფორმის განხორციელებას, რომელიც ითვალისწინებს საჯარო სამსახურის რეფორმას,  საჯარო ფინანსების გაუმჯობესებულ მართვას, მძლავრი ანტიკორუფციული პოლიტიკის წარმოებას, თვითმმართველობების გაძლიერებასა და მთავრობის საქმიანობის მეტ გამჭვირვალობას“, – აღნიშნა ღრიბაშვილმა. 

პრემიერის თქმით, მას აქვს მოლოდინი, ამ რეფორმების განხორციელების შედეგად, საქართველო  კარგად ორგანიზებულ, დემოკრატიულ და ღია საჯარო სექტორს მიიღებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გახარიას პარტია ყაველაშვილს მაღაროელების შეწყალებაზე მიმართავს

თბილისში ევროპის საბჭოს ადამიანის უფლებათა დაცვის კომისარი ჩამოვიდა

საქართველოში 15-17 აპრილს შედარებით თბილი და უმეტესად უნალექო ამინდია მოსალოდნელი

საზოგადოებრივი კვების ობიექტებში მომხმარებლისთვის სასმელების პლასტმასის ბოთლით მიწოდების აკრძალვა ძალაში რჩება, რეგულაცია პირველი ივლისიდან ამოქმედდება