ფილიპინებზე ბოლო 7 კვირის განმავლობაში ნარკომაფიის წინააღმდეგ მიმართული სპეცოპერაციების შედეგად 1900-ზე მეტი ადამიანი დაიღუპა, - ამის შესახებ BBC ქვეყნის პოლიციის უფროსზე რონალდ დე ლა როსაზე დაყრდნობით იუწყება. 

პოლიციის მონაცემებით, 750 ადამიანი სამართალდამცველების მეირ ჩატარებული ოპერაციის დროს დაიღუპა, კიდევ 1100 ადამიანის გარდაცვალების გარემოებების დადგენა ამ დრომდე მიმდინარეობს.

როდრიგო დუტერტე, რომელმაც ფილიპინების პრეზიდენტის თანამდებობა ივნისის ბოლოს დაიკავა, ნარკომაფიის წინააღმდეგ ბრძოლაში "მკაცრი კურსის" მომხრეა. მის მთავარ საარჩევნო დაპირებას ქვეყანაში კრიმინალისა და ნარკოვაჭრობის აღმოფხვრა წარმოადგენდა. მან მოქალაქეებს მოუწოდა ცეცხლი გაუხსნან და მოკლან ნარკოდილერები, რომლებიც სამართალდამცველებს ემალებიან.

გაერო-ს სპეციალურმა მომხსენებელმა ანიეს კალამარმა ფილიპინების პრეზიენტი ანტინარკოტიკული კამპანიის ჩატარებისას საერთაშორისო სამართლის დარღვევაში დაადანაშაულა. გაერო-ს კრიტიკის საპასუხოდ, პრეზიდნეტმა განაცხადა, რომ მისმა ქვეყანამ შესაძლოა, ორგანიზაცია დატოვოს. თუმცა მოგვიანებით, საგარეო საქმეთა მინისტრმა აღნიშნა, რომ ფილიპინები გაერო-ში დარჩება იმის მიუხედავად, რომ ქვეყანას აქვს მიზეზები, იყოს ამ ორგანიზაციით უკმაყოფილო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-მ ამერიკული ხელოვნური ინტელექტის კოპირებისთვის ჩინეთისა და რუსეთის წინააღმდეგ სანქციების დაწესების განხილვა დაიწყო

აშშ-მ ირანისა და ირანის მხარდამჭერი გემების დევნა დაიწყო

ოცნება მცირე მეღვინეობებისთვის წესებს შეცვლის და ხარისხის კონტროლს გაამკაცრებს

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება