მედიასწავლება „ღირსეული პასუხი 2016“ დასრულდა. ჟურნალისტებს და ოპერატორებს პროექტის ორგანიზატორებმა სწავლების გავლის დამადასტურებელი სერტიფიკატები გადასცეს. მედიის წარმომადგენელთა დაჯილდოების ცერემონიალს II ქვეითი ბრიგადის მეთაური, ვიცე-პოლკოვნკი გიორგი ბლიაძე დაესწრო.

სენაკში, II ქვეითი ბრიგადის ბაზაზე საქართველოში აკრედიტებული მედიაორგანიზაციების 22 წარმომადგენელი სპეციალური პროგრამით აქტიურ მომზადებას 5 დღის განმავლობაში გადიოდა. მედიასწავლების ფორმატი მორგებული იყო ჟურნალისტთა საქმიანობის რიტმს. სწავლების ფარგლებში სიმულაციური სცენარის მიხედვით სხვადასხვა სახის პრესკონფერენცია და საველე პრაქტიკული წვრთნა განხორციელდა.

სწავლებაში მონაწილე ჟურნალისტებს და ოპერატორებს ინფორმაციის მოპოვება და დახარისხება უწევდათ. სწავლების „გამთამაშებლები“ კი საინფორმაციო ველში რეალობასთან მაქსიმალურად მიახლოებულ სიტუაციებს, ასევე ტექნიკური და შინაარსობრივი ხასიათის ბარიერებს ქმნიდნენ. სწავლების მონაწილეებს აქტიური საინფორმაციო და კონვენციური ომის მიმდინარეობის მოდელირებისას შესაბამისი უნარ-ჩვევების დახვეწისა და კვალიფიკაციის ამაღლების საშუალება მიეცათ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა

WSJ: აშშ-სა და ისრაელის დაბომბვებმა ირანს ბირთვული ბომბის შექმნის შესაძლებლობა არ წაართვა