გერმანიის სპეცსამსახურებმა საფრანგეთი შესაძლო ტერაქტების შესახებ გააფრთხილეს, - ამის შესახებ Süddeutsche Zeitung იუწყება.

გერმანული მედიის ინფორმაციით, „ისლამური სახელმწიფო“ თავდასხმების სერიის მოწყობას ევროპის საფეხბურთო ჩემპიონატის მსვლელობის დროს გეგმავს, რომელიც საფრანგეთის ქალაქებში 10 ივნისიდან 10 ივლისის პერიოდში იგეგმება.

როგორც გერმანიის კონტრდაზვერვის სამსახურის ხელმძღვანელი ჰანს მასენი აცხადებს, „ისლამური სახელმწიფოს“ სამიზნე „ევრო-2016-ია“. თუმცა, მისივე თქმით, ტერორისტების კონკრეტული გეგმების შესახებ დაზვერვას ინფორმაცია არ აქვს.

მასენი ევროპელებს მეტი ყურადღებისკენ მოუწოდებს და ტერაქტების თავიდან აცილების მიზნით, შეერთებული შტატების სპეცსამსახურებთან თანამშრომლობის აუცილებლობაზე მიუთითებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აღდგომის დღეს მცხეთაში 53 წლის კაცი მოკლეს

კობახიძე მადიაროს გამარჯვებას ულოცავს, ორბანს მადლობას უხდის

უკრაინამ უნგრეთში მოგზაურობის შესახებ გაფრთხილება გააუქმა

ანი წითლიძე - ივანიშვილის რუსული რეჟიმი ბევრად უფრო დაუნდობელია, ვიდრე ორბანის.