შრომის, ჯანმრთელობისა და სოციალური დაცვის მინისტრ დავით სერგეენკოს განცხადებით, იმ ადამიანებს, რომლებიც შრომის ინსპექციით უკმაყოფილოები არიან, შინაარსის დეტალურად გაცნობის შემთხვევაში, კითხვები აღარ ექნებათ.

ამის შესახებ სერგეენკომ ჟურნალისტებს მთავრობის ადმინისტრაციაში განუცხადა.

მისივე განმარტებით, შრომის ინსპექციის დანერგვა ბიზნესისთვის არანაირი საფრთხის შემცველი არაა.

"შრომის ინსპექცია,  ისევე როგორც შრომის საკითხებთან მიძღვნილი ნებისმიერი თემა,  აუცილებელია განხილული იყოს სამმხრივ ფორმატში, სამი მხარე მოიაზრებს სახელწიფოს, პროფკავშირების და დამსაქმებლების ჩართულობას. მთელი ამ პერიოდის განმავლობაში, თვეების განმავლობაში, როდესაც კონსულტაციები მიდიოდა, იმდენად რამდენადაც ეს თვისობრივად ახლი ინსტრუმენტია ჩვენს ქვეყანაში, იყო ხანგრძლივი კონსულტაციები. საბოლოოდ ჩვენ შევთანხმდით ასეთ ფორმაზე, რომ შრომის ინსპექცია რომ დაინერგოს, ამისთვის საჭიროა შესაბამისი სპეციალისტების გადამზადება( რაც არ არის მოკლე პერიოდი, რამოდენიმე თვე სჭირდება) და შესაბამისი საკანონმდებლო რეგულაციური ცვლილებების დახვეწა. თუ არ დავიწყებდით ამას, დაფუძნებას,  ვერც გადავდგამდით შემდეგ ნაბიჯებს. რაც შეეხება იმას, რომ ყველა კმაყოფილი არაა ამ შრომის ინსპექციით,  მას შემდეგ რაც დეტალურად გაეცნობიან შინაარს, აქ არანაირი კითხვა არ დარჩებათ და არანაირი საფრთხე არ შეექმნებათ",-განაცხადა დავით სერგეენკომ.

კითხვაზე-რატომ გახდა საჭირო ხელშეკრულებების მონიტორინგი, სერგეენკომ განაცხადა, რომ მოხდება არა ხელშეკრულებების გადახედვა, არამედ იმ პირობების გადახედვა, რომელიც პოტენციალურად შესაძლოა ტრეფიკინგის რისკს შეიცავდეს.

"ყველაზე მთავარი ამოცანა შრომის ინსპექციაში არის ტრეფიკინგი და უკანონო ექსპლოატაცია მუშახელის.ხელშეკრულებების გადახედვა როგორც ასეთი არ მოხდება,  არამედ  მოხდება იმ პირობების გადახედვა, რომელიც პოტენციალურად შეიძლება შეიცავდეს ტრეფიკინგის რისკს. ამ კუთხით იქნება გაანალიზებული",-განაცხადა დავით სერგეენკომ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა

აზერბაიჯანულმა მხარემ ოცნების რეჟიმს სადიგოვის ექსტრადიციის მოთხოვნის „განუხილავად დატოვება“ შესთავაზა.