სახალხო დამცველი ამბობს, რომ სასამართლოს ნინო დათიაშვილის საქმეზე, როგორც მეგობარი ისე მიმართა

2025-10-29 15:45:17, 706 ნახვა

პოლიტიკა

სახალხო დამცველი მიესალმება ნინო დათაშვილის პატიმრობიდან გათავისუფლების ფაქტს.- წერია სახალხო დამცველის ოფისის განცხადებაში.

მმათი ინფორმაციით, 2025 წლის 28 ოქტომბერს, სახალხო დამცველმა სასამართლოს მეგობრის მოსაზრებით (Amicus Curiae) თბილისის საქალაქო სასამართლოს მიმართა.

მოსაზრებაში მიმოხილული იყო ადამიანის უფლებების საერთაშორისო და ადგილობრივი სამართლებრივი სტანდარტები. მითითებული იყო, რომ არ შეიძლება, პატიმრობის გამოყენება დაფუძნებული იყოს აბსტრაქტულ რისკებსა და საფრთხეებზე, და ასევე, მხოლოდ სადავო ქმედების ხასიათსა და ბუნებაზე. პატიმრობის გამოყენება დაუშვებელია - თუ არ არსებობს მისი გამოყენების რელევანტური და საკმარისი მიზეზები, ხოლო საფრთხეების არსებობა კიდევ უფრო მაღალი ინტენსივობის მტკიცებულებებით უნდა საბუთდებოდეს, როდესაც პატიმრობა განგრძობითია.

სასამართლოს მეგობრის მოსაზრებაში განხილული იყო ბრალდებულ ნინო დათაშვილის პატიმრობასთან დაკავშირებული კონკრეტული გარემოებები, მათ შორის მისი ჯანმრთელობის მდგომარეობის რელევანტური ასპექტები. - წერია განცხადებაში.

სასამართლომ მასწავლებელ ნინო დათიაშვილს 5000 ლარის გირაო შეუფარდა, ამ თანხის გადახდისანავე დათიაშვილი საპატიმროდან გათავისუფლდება.

დღევანდელ პროცესზე მას ჯდომა აღარ შეეძლო და დასახმარებლად მეორე სკამი მოითხოვა, "წელი მწყდება" - თქვა მან პროცესის მიმდინარეობისას.

ცოტახნის წინ ცნობილი გახდა, რომ ნინო დათიაშვილის გირაოს თანხა საზოგადოებამ შეაგროვა.

საქართველოს პროკურატურა ბრალდებულ ნინო დათაშვილის ჯანმრთელობის მდგომარეობის გათვალისწინებით, სასამართლოს შუამდგომლობით მიმართავს, რომ ბრალდებულს აღკვეთის ღონისძიების სახით შეფარდებული პატიმრობა გირაოთი შეეცვალოს, - ამის შესახებ განცხადებას პროკურატურა ავრცელებს.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,