რუსეთმა უკრაინის მიმართულებით საკონტინენტთაშორისო ბალისტიკური რაკეტა გაუშვა. ამის შესახებ ინფორმაციას უკრაინული მედია ქვეყნის საჰაერო ძალებზე დაყრდნობით ავრცელებს.

საჰაერო ძალების ცნობით, რუსებმა საკონტინენტთაშორისო ბალისტიკური რაკეტა დღეს, 21 ნოემბერს ქალაქ დნიპროზე იერიშის დროს გამოიყენეს.

„2024 წლის 21 ნოემბრის დილას, 05:00 საათიდან 07:00 საათამდე, რუსეთის ჯარები თავს დაესხნენ ქალაქ დნიპროს (საწარმოები და კრიტიკული ინფრასტრუქტურა) სხვადასხვა ტიპის რაკეტით.

საკონტინენტთაშორისო ბალისტიკური რაკეტა რუსეთის ფედერაციის ასტრახანის ოლქიდან გაუშვეს“,- ნათქვამია საჰაერო ძალების ინფორმაციაში.

მათივე ცნობით, სხვადასხვა ტიპის ფრთოსანი რაკეტის გაშვება ტამბოვისა და ვოლგოგრადის ტერიტორიებიდანაც მოხდა.

როგორც საჰაერო ძალები იუწყება, საზენიტო-სარაკეტო ქვედანაყოფებმა Х-101-ის ტიპის 6 რაკეტა ჩამოაგდეს.

მსხვერპლისა და დაშავებულების შესახებ ინფორმაცია ამ დროისთვის არ გავრცელებულა.

ავტორი: ექსპრესნიუსი,

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია