ღვინის ეროვნულმა სააგენტომ ქედის ადმინისტრაციული ერთეულის წარმომადგენლებთან შეხვედრა გამართა

2023-04-12 15:06:42, 1379 ნახვა

რეგიონი

ღვინის ეროვნულმა სააგენტომ ქედის ადმინისტრაციული ერთეულის წარმომადგენლებთან შეხვედრა გამართა. აღნიშნულ ინფორმაციას ქედის მუნიციპალიტეტის მერია ავრცელებს.

მერიის ცნობით, შეხვედრას მერის პირველი მოადგილე იმედა ვასაძე, მოადგილე მამუკა ფარტენაძე, აჭარის სოფლის მეურნეობის სამინიატროს აგრარული განვითარების დეპარტამენტის უფროსი ლევან ბოლქვაძე და ამავე დეპარტამენტის მთავარი სპეციალისტი სოსო შერვაშიძე ესწრებოდნენ.

"ვენახების კადასტრის პროგრამის განხორციელება მნიშვნელოვანია მევენახეობა-მეღვინეობის დარგის განვითარებისთვის. კადასტრის შექმნა რთველის პროცესის გამარტივებასა და ყურძნისეული პროდუქტების ხარისხს გაუმჯობესებას უზრუნველყოფს.

ვენახების კადასტრი იქმნება თითოეული ვენახის ნაკვეთის რეგისტრაციით და მოიცავს ვენახში არსებულ ვაზის ჯიშებს, დარგვის თარიღს და ვენახის მდგომარეობას. ინფორმაციის შეკრება ხდება საველე პირობებში, მევენახეების გამოკითხვით და აერო-ფოტოებზე გამოხატული ვენახის ნაკვეთების იდენტიფიკაციით", - ნათქვამია ქედის მერიის ინფორმაციაში.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),