„ჩემი ურთიერთობა „ევროპულ საქართველოსთან“ დასრულებულია, არ ვაპირებ ხელოვნურ კინკლაობაში შესვლას“, - ამის შესახებ „ევროპული საქართველოს“ ყოფილმა ლიდერმა დავით ბაქრაძემ განაცხადა.

მან ასევე აღნიშნა, რომ დღეს პარლამენტი გახდა საერთო ოპოზიციური ფლანგის ნაწილი.

„ვერ მივიღებ ვერანაირ ბრალდებას ამ თემაზე. ადვილი შესამოწმებელია თქვენთვის, თუ რაზე ვსაუბრობდი.

მე ავიღე პაუზა პარტიული პოლიტიკიდან. არ ვარ არც ერთ პარტიაში და არ ვაპირებ არც ერთ პარტიაში შესვლას.

მე ვამბობდი, რომ ვრჩებოდი პოლიტიკაში და ვრჩებოდი საერთო ოპოზიციურ ფლანგზე.

გუშინდელი დღის შემდეგ პარლამენტი გახდა ამ საერთო ოპოზიციური ფლანგის ნაწილი და ამიტომ ვარ აქ. მე ვთქვი, რომ ვიღებდი პასუხისმგებლობას პარტიის მიერ ნაჩვენებ შედეგზე.

დიახ, მე ავიღე პასუხისმგებლობა და გადავდექი პარტიის თავმჯდომარეობიდან და უფრო მეტიც, შევთავაზე პარტიის მთლიანად განახლება, რაზეც თავად პარტიამ თქვა უარი, რის შედაგადაც თავმჯდომარე გახდა გიგა ბოკერია.

ასე რომ, ვფიქრობ, ყველაფერი ნათელია და ჩემი ურთიერთობა „ევროპულ საქართველოსთან“ გარკვეული და დასრულებული. არ ვაპირებ ამ თემაზე ხელოვნურ კინკლაობაში შესვლას, წარმატებას ვუსურვებ „ევროპულ საქრთველოს“ , - განაცხადა დავით ბაქრაძემ.

ავტორი: ექსპრესნიუსი,

სოციალური ქსელები

ეკონომიკის სამინისტრო - საჰაერო სივრცეში შემზღუდველი ზონის შემოღება ემსახურება სამეცნიერო ობსერვატორიის მიზნებს

ახალგორის რაიონში გადაადგილების საშვების გაცემა განახლდა - DRI

Starbucks-ი ოფიციალურად შემოდის საქართველოს ბაზარზე

სოციალური სამართლიანობის ცენტრი: პატიმრების კვება საქართველოში სერიოზულ კითხვებს ბადებს