გერმანია, ავსტრია და ჩეხეთი მიგრანტთა ნაკადის ზრდის გამო, საკუთარ საზღვრებზე კონტროლს აღადგენენ.

ამის შესახებ ჩეხეთის შს მინისტრმა მილან ხოვანეცმა და გერმანიის შს მინისტრმა თომას დე მეზიერმა განაცხადეს.

როგორც დე მეზიერმა აღნიშნა, საზღვრებზე კონტროლის აღდგენა იძულებითი ზომაა, რადგან, წინააღმდეგ შემთხვევაში, გერმანია მიგრანტების ნაკადს ვერ გაუმკლავდება. მისი თქმით, შეზღუდვები შენგენის შეთანხმების პრინციპებს ეწინააღმდეგება, თუმცა გერმანიაში საგანგებო ვითარებაა, რაც შენგენის შეთანხმების შეზღუდვას ამართლებს.

გერმანიის შს მინისტრის განცხადებით, ქვეყანამ ახალი მიგრანტების მიღების შესაძლებლობა თითქმის ამოწურა, რადაგან მხოლოდ შაბათს და მხოლოდ მიუნხენში 13 ათასი მიგრანტი ჩავიდა.

მინისტრმა ევროპას, სპარსეთის ყურის ქვეყნებს და აშშ-ს გერმანიისთვის სასწრაფო ფინანსური დახმარების გაწევისკენ მოუწოდა, რათა ქვეყანა მიგრანტებს უფრო ეფექტურად დაეხმაროს.

„უცნაურია, რომ საერთაშორისო თანამეგობრობას ბანკების გადასარჩენად რამდენიმე კვირაში ასეულობით მილიარდის შეგროვება შეუძლია, თუმცა ვერ აგროვებენ ამ თანხის მეასედსაც ცოცხალი ადამიანების დასახმარებლად“, - განაცხადა დემეზიერიმ.

აღსანიშნავია, რომ გერმანიის ხელისუფლების შეფასებით, ქვეყანა წლის ბოლომდე 800 ათას მიგრანტებს მიიღებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა

აზერბაიჯანულმა მხარემ ოცნების რეჟიმს სადიგოვის ექსტრადიციის მოთხოვნის „განუხილავად დატოვება“ შესთავაზა.