თბილისის ინფექციურ საავადმყოფოსი, ამ ეტაპზე, კორონავირუსით ინფიცირებული 29 პაციენტი რჩება. მათი მდგომარეობა სტაბილურია. ამის შესახებ თბილისის ინფექციური საავადმყოფოს ბოქსირებული განყოფილების უფროსმა მარინა ეზუგბაიამ განაცხადა.

მანვე აღნიშნა, რომ კორონავირუსით ინფიცირებული ახალი პაციენტის მდგომარეობა დამაკმაყოფილებელია.

„ახლა ამ ეტაპზე ჩვენთან დადასტურებული წევს 29 შემთხვევა, როგორც ვიცით გუშინ ერთი გაეწერა, გუშინვე მოთავსდა ერთი და დღეს დაემატა ერთი. ანუ გვაქვს 29 შემთხვევა  ჩვენს ცენტრში. შემოსული ახალი პაციენტის მდგომარეობა ჯერჯერობით გამოხატული კლინიკით ფასდება როგორც საშუალო სიმძიმის. დღეს ჩაუტარდება მას დამადასტურებელი კვლევები დამატებით. დანარჩენი პაციენტების მდგომარეობა საბედნიეროდ სტაბილურია. სტაბილურია, ვლაპარაკობ, აი, უკვე მეორე-მესამე დღეა და ეს იმის მიმანიშნებელია, რომ დაავადების პროგრესირებას, ალბათ, არ მოველოდებით რამდენიმე ძველ პაციენტთან, რომელთა ჩვენ საავადმყოფოში ყოფნის 12-13 დღე გასულია. უკვე შეიძლება ვილაპარაკოთ დასტაბილურებული სიტუაციის შემდეგ გაუმჯობესებაზე. დანარჩენ პაციენტებში სიტუაცია ჯერჯერობით მართვადია. შეფასებით ნაწილში რამე ლაბორატორიულად მნიშვნელოვანი ცვლილებები არ ვლინდება. კლინიკაც გამოხატული არ პროგრესირებს და დიდი ალბათობით სიტუაცია, ალბათ, უნდა იყოს დინამიკაში დამაკმაყოფილებელი“, - განაცხადა მარინა ეზუგბაიამ.

ავტორი: ექსპრესნიუსი,

სოციალური ქსელები

ბაზისბანკი და BSTDB საქართველოში მცირე და საშუალო ბიზნესის და მწვანე ინვესტიციების მხარდასაჭერად პარტნიორობას აფართოებენ

ოცნებამ პირველი მოსმენით მიიღო ცვლილებები "გრანტების შესახებ" კანონში

ევროპარლამენტმა და ევროსაბჭომ შავი ზღვის წყალქვეშა კაბელის პროექტს ორმხრივი ინტერესის პროექტის (PMI) სტატუსი მიანიჭა

ოპოზიციური ალიანსი: გალში მცხოვრებ ქართველებს მშობლიურ ენაზე სწავლა ეკრძალებათ და „ოცნების“ პარტია მათ არ იცავს