საპატრიარქო ტახტის მოსაყდრე, სენაკისა და ჩხოროწყუს მიტროპოლიტი შიო (მუჯირი) 9 აპრილის მემორიალთან მივიდა, 37 წლის წინ დაღუპულთა ხსოვნას პატივი მიაგო და პანაშვიდი გადაიხადა.

სინოდის წევრმა ადგილზე შეკრებილებს მიმართა და თავისუფლების მნიშვბელოვაზე ისაუბრა. 

"გარეგნული თავისუფლება ზნეობრივი კანონის გარეშე სახიფათო შეიძლება გახდეს" - თქვა მან. 

დღეს ჩვენ ვიხსენებთ 9 აპრილს. მეუფლება მწუხარების გრძნობაც და ამავე დროს სიხარულიც ერთიანობის და ეროვნული სულის განცდის გამო, რომელიც გამოვლინდა იმ საოცარ დღეებში და დღესაც დადასტურდა, რომ უხვად არის ეს მუხტი, რაც ვნახეთ უწმინდესობის გარდაცვალების შემდგომ დღეებში. პანაშვიდში მოვიხსენიეთ დაღუპულების სულები და ილია მეორის სულიც. განსხვავებული იყო ცხოვრება, ღვაწლი და აღსასრული. მაგრამ უწმინდესობამ სიცოცხლე მიუძღვნა ადამიანისადმი მსახურებას. დაღუპული და-ძმები გარდაიცვალნენ, თავი დასდეს სამშობლოსთვის. ჩვენ დღეს ვფიქრობთ ამ დღის მნიშვნელობაზე, საქართველოს მომავალზე, დამოუკიდებლობაზე, თავისუფლებაზე და იმაზე თუ რა დიდი წვლილი შეიტანეს როგორც ილია მეორემ, ისე და-ძმებმა დამოუკიდებლობის მოპოვების საქმეში.

მაგრამ დამოუკიდებლობის მოპოვებას სჭირდება შენარჩუნება და განვითარება. ამისთვის არ არის საკმარისი გარეგნული პირობები, პოლიტ დამოუკიდებლობა, ასევე ის, რომ მოქალაქეებს ჰქონდეს პიროვნული თავისუფლება მოპოვებული, როგორც შინაგანი თვისება. თუ ეს თვისება არ გვექნება, მხოლოდ გარეგნულად მოპოვებული არ არის საკმარისი. უნდა გვესმოდეს რა არის ნამდვილი თავისუფლება. ეს არ არის მხოლოდ ის, რომ აკეთო ის რაც გინდა, არამედ შეგეძლოს მართო შენი თავი რომ აკეთო ის, რაც მართებულია და საჭიროა. თუ არ იქნება ჩვენში ამის გაგება მხოლოდ ასეთი გარეგნული თავისუფლება სახიფათო შეიძლება გახდეს. ასე, რომ თუ გვსურს შევინარჩუნოთ თავისუფლება, პირველ რიგში სულიერად უნდა ვიშრომოთ. შევინანოთ, დავფიქრდეთ რა არის ჩვენს ხალხს ცოდვები, რომ გამოვასწოროთ. რომ ვეღირსოთ გამთლიანებას. ღმერთმა აცხონოს მათი სულები," - განაცხადა მეუფე შიომ. 

ავტორი: ექსპრესნიუსი,

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა